خطاب به کربلا در کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم یتیم تبریزی
.
آغوشه چکدون کربلا اینجیتمه نعش اکبری
ذبح آیه سین تفسیرایدر سنده یازیلموش پیکری
.
.
ای کربلا سنده اگر فیض کرامت گورسنور
کنز خفی آثاری وار جود وکرامت گورسنور
باخسان حقیقتلن اگر سنده قیامت گورسنور
ویردون ظهوره سن اوزون آیات روز محشری
.
.
ای کربلا اولدون ازل محبوب ربِّ ماخلق
سالموش شعاعون عالمه چون عارض اکبر شفق
خاک شفا اولدون اوزون خلد برین ماصدق
اکبر ویرنده تشنه جان گیزلتدون اما کوثری
.
.
هیچ باخمادون اول طُرّۀ اکبرده بیر پیچ و خمه
قان قطره سین دوزدون یوزه باخدون گل اوسته شبنمه
عیسی کیمی اکبر باشین دار اوسته ویردون مریمه
هردم نشان چکدون اوزون آغوشه اول سیمین بری
.
.
نخل سنان اولموب سنون اوستون اگر سینا کیمی
اکبر باشی گر ویرمیوب جلوه ید بیضا کیمی
ارنی دِیَنده غشّ ایدوب لیلا دوشوب موسی کیمی
طورونده مدهوش ایلدون بیرجلوه ده اول مضطری
.
.
آخر منا قربانی تک اوستونده قربانلار دوشوب
پیکرده خنجر یاره سی صدر اوسته پیکانلار دوشوب
خون خدا آخدوقجا باخ گور بیر نه طوفانلار دوشوب
حلق حسینی ظلملن کسدوقجا شمرون خنجری
.
.
باخ تار زلف اکبره گور شَدّۀ مرجان کیمی
قان قطره قطره دوزموسن اشک تر جانان کیمی
فخر خلیل اولادینی قسمت ایدوب قربان کیمی
ایتدون او قربانگاهده محفوظ یوزمین لشگری
.
.
ایتدون حسینون باشنی قسمت او شمر کافره
سُمِّ ستوره اول تن مجروحی ویردون یکسره
بیر ظالمی ایتدون رضا انگشتلن انگشتره
زهرا هاچان ویردی رضا ویر ساربانه اللّری
.
.
ای کربلا بنزتموسن خاک تراب جنتّه
زهرا عزیزین سالموسان اوستونده خاک محنته
آیا جوابون وار سنون محشرده ربّ العزته
عریان بدنله ساخلادون محبوب حیّ داوری
.
.
ابدان عشقونده آچوب گوز کربلا تاراجه باخ
عبّاس تک جان نقدینی الدن ویرن لیلاجه باخ
هرگز دیمم باشی آچوخ قالدی باشندا تاجه باخ
ویردی ایکی ال باشنه آلدی عمود کافری
.
.
افسوس او سرو قامت عبّاسه پیچ و خم دوشوب
باشدا عمود آهنین از بسکه چوخ محکم دوشوب
آتدان علمدار و علم دوشدی ولی باهم دوشوب
اول شاهباز همّتون نه باش قالوب نه شهپری
.
.
ویردون عروسه برملا حجلونده جانان قاسمه
ایتدون کفن طوی خلعتی یاخدون حنا قان قاسمه
سالدون او خونین بستری اوستونده هر آن قاسمه
امّا باشندا قویمادون قالسون عروسون معجری
.
.
آفاقی دوتموش کربلا سنده گینه طوفان سسی
تیر جفا فریاد ایدر پیکان ویرور قان قان سسی
گویا خدنگ حرمله آلموشدی بیر قربان سسی
آخر سراغ ایلوب تاپوب حلق ظریف اصغری
.
.
آخر او حلقی بولمورم آیا نجه پیکان تاپوب
آغوش ثار اللّه ده بیر نوگل خندان تاپوب
یانسون دیلیم گر سویله سم بیر بلبل نالان تاپوب
سوز عطشدن اود دوتوب یانموش هامی بال پری
.
.
ای کربلا بولمم ندن اعدانی ایتدون کامیاب
مملوک لر فرصت تاپوب اولدی هامی مالک رقاب
مالک رقاب عالمه لازم بولوبلر بیر طناب
زنجیر کینه باغلیوب سجّاده تک بیر سروری
.
.
ای کربلا اسمون سنون اولموش حقیقت کربلا
بیر کربلادن کشف اولوب عالمده هر کرب و بلا
گُلده طراوت قویمادون سنبل سُوز اولموش برملا
بازوی زینبده نشان قویدون گل نیلوفری
.
.
حیرتده قالدیم بولمورم شام ایچره بو غوغا ندور
بزم یزید بی حیا یا عترت طاها ندور
آیا حسین باشی اولان یرده می و مینا ندور
سویلر او بی شرم وحیا ساقی دولاندور ساغری
.
.
آغلا یتیما روز وشب اول شاهزاده اکبره
گوز یاشوی توشه گوتور هم قبروه هم محشره
باغلا امیدون کاملاً خلّاق حیِّ داوره
ماضی دن عذر ایسته ولی الحال گوزله مصدری
.
.
#کوچ_کربلا #یتیم_تبریزی
#کربلا
#آغوشه_چکدون_کربلا_اینجیتمه_نعش_اکبری
#ترکی
.
✍️ #زبدةالاشعار ✍️
.
🆔: @nohe_torki
نظر دهید