وداع شهزاده علی اکبر (ع)
زبانحال لیلا (س)
.
.
.
سیفی اردبیلی
.
.
آغ کفن اکبر عجب رعنا بویا زیبنده دی
بزم یاره هانسی گل گور سن کیمی ارزنده دی
.
چوخ گوزلّیک لر یاراتمش خلقتون صورتگری
لاجرم تکمیلی بو سیمای مستحسنده دی
.
کیم سنه باخسا پیمبر روحنه صلوات اوخور
سن اونا آئینه سن حُسن جمالی سنده دی
.
بیر کیچیک پای طلعتوندن قسمت اوسته آی تاپوب
به بئله ظلمت شکندور بیر بئله رخشنده دی
.
بیر مناسب واژه تاپسیدیم دئمزدیم بو سؤزی
آخ او شیرین لبلرون تشبیهی شیرین قنده دی
.
یل وروب کنعانه سالسا زلفوون بیر تارینی
بَلّنر اوندا نچه یوسف قاپوندا بنده دی
.
مین زلیخانی خیالی بیر قرا خالون ائدر
نقطه ی حُسنونده از بس جذبه لر آکنده دی
.
بو گئدیشده بیر ئوپوش جان نقدینه ساتسون اگر
آلماسا لیلا قمار عشقیده بازنده دی
.
حلقه ی لعل لبونده رشته ی جان باغلانوب
گوئیا بیر تار لرزان روزن سوزنده دی
.
سینه مه قوی بیر الون سوندور شرارین دوش یولا
گورمسون بیگانه لر هجر آتشی خرمنده دی
.
شانه تک قوی زلفوه کیپریکلریم وئرسون نظام
طرّوه مژگان لیلا شانه دن ارزنده دی
.
بیر زمان مین آرزو ایلردی دل سندن ساری
کام لیلا ایندی حسرت مختصر لبخنده دی
.
ای گُلوم سن گُل منه بلبل کیمی من مست اولوم
خلق گورسون تا نه سر مستی بیزیم گلشنده دی
.
جام قلبیمدن داشوب قان باده سی هردم آخور
دیده ی دائم خماریمدن که الان سنده دی
.
نیلسون لیلا مگر دویماق یوزوندن سهلیدور
کیم دویار آیا بو صورتدن که آی شرمنده دی
.
حُسنوون فیض تماشاسینده آرامش گزن
من کیمی دائم سرشک دیده سی دامنده دی
.
کاشکی آئینه ی دلده سنی هاجر گوره
تا بُله صبر و شکیبا اوندادی یا منده دی
.
دوتمشام آردونجا دل آئینه سین اوغلوم یولا
گئت ولی اوچ یول دولان باخ قوّت افزاینده دی
.
سن منه باخ من دیوم جان عمریمون سرمایه سی
گئتدون الدن تار هجرون قلبیده پاینده دی
.
شادلیقیم سندن گئدور ای سرو شمشادیم علی
وای دیر سنسیز ننون لیلا نقدری زنده دی
.
سن کفن گیدون دئدیم آغ پیرهن گیدی قمر
بیلمدیم بو آغ کفن کشتاروه پرونده دی
.
سن اولان گون هامّی سویلر دی منه آی بختور
نه گوزل جیران دوغوبسان طالعون فرخنده دی
.
بسلدیم ایللر بوئی جان مایه سیله من سنی
حیف اولا طوی دوتمادیم غملی ننون شرمنده دی
.
عطر زلفون رهگذاری مست و مدهوش ایلیور
محو اولور رخساروه هر دیده که بیننده دی
.
بو گئدیش که سن گئدورسن آز زمان چکمز بالا
مخبر محنت دیر گُل دست اهریمنده دی
.
باری آهسته یری تأخیره سال هجرانوی
چشم امیدیم سنون تک ماهرو فرزنده دی
.
سن کفن گیدون منیمله باشیمه گل قاره سال
قوی دیوم بو قاره معجر طالع آینده دی
.
گوز قباقیندن اوزاق دوشمه بیر آز صبر ائت علی
قوی دئسونلر مادر اکبر هله ایمنده دی
.
واردی تعجیلون قتاله قلبیمی رام ایله گئت
نغمه ی پر سوز هجرون بو دل الکنده دی
.
ایندیدن تپراق سؤور باشیمه آهو گوز بالا
فکر ائله سنسیز ننون لیلا ئولوب مدفنده دی
.
.
#اکبریه #سیفی_اردبیلی
#اکبریه_شهادت
#آغ_کفن_اکبر_عجب_رعنا_بویا_زیبنده_دی
#ترکی
#زبدةالاشعار
نظر دهید