آلدی آغوشه علی عباسینی #عباسیه_محمدی_ناعم

میلادیه حضرت ابوالفضل العباس (ع)
.
✍️ #زبدةالاشعار ✍️
.
🆔: @nohe_torki
.
محمدرضا محمدی ( ناعم )
.
آلدی آغوشه علی عباسینی
ایگلدی عشقیله برگ یاسینی
.
ایگلدوکجه یات بالام لایلای دئدی
قوللارا دوشدی گوزی , ایوای دئدی
.
گوردولر قوللاری تزتز بوس ائدور
قلبینی درد و غمه مأنوس ائدور
.
قوللارا باخدوقجا سینه داغلیور
هم ئوپور قوللارینی هم آغلیور
.
بسکه یوز وئردی , اونا درد و انین
علتین آلدی خبر ام البنین
.
یاعلی علت ندور دل داغلوسان
باخدوقیجا قوللارا قان آغلوسان
.
واربالامون تنده نقصانی مگر
تزدانیشسون قلب زاریم دینجلر
.
سیلدی گوزدن یاشینی اول بوتراب
مادر عباسینه وئردی جواب
.
واردی بیر علت که بیله آغلورام
قوللارا باخدوقجا سینه داغلورام
.
بوکشیده قامته باخ بیرجه,سن
بو اوزون قوللاره باخ دقتله سن
.
گرچه واردی صولت ارزنده سی
قلبیمه یاره ویرورآینده سی
.
کربلا دشتینده بیر طوفان اولار
غرق ماتم عالم امکان اولار
.
صرصر ظلمیله گلزاریم سولار
بو اوزون قوللار او یرده قطع اولار
.
گرچه طوبادی بونون رعنا قدی
خورداجا بیر قبر اولاجاق مرقدی
.
یاندی دللر(ناعما) ساخلاقلم
اجرووی قطعا وئرر صاحب علم
.
.
#عباسیه_میلادیه
#آلدی_آغوشه_علی_عباسینی
#ترکی
.
✍️ #زبدةالاشعار ✍️
.
🆔: @nohe_torki