زبدةالاشعار

آلور دل شمیم محبّت صبادن #مناجات #عابد_تبریزی

مناجات

✍️ زبدة الاشعار ✍️

?: @nohe_torki

مرحوم عابد تبریزی

آلور دل شمیم محبّت صبادن
معطّردی جان نکهت آشنادن

گورور گلشن عفو و رحمت صفاسین
زجاج کرامت جلالین، ضیاسین

وورور موج دریای سرشار رحمت
داشور سیل تک چشمه سار کرامت

سن ای مست خواب گران جهالت
سن ای سرگران تمنّا و غفلت

گوز آچ جلوه ی صبح امّیدی بیر گور
بصیرتله آثار توحیدی بیر گور

سما و سمک دل آچوب عرض رازه
هامی ذکر و تسبیح ایدر بی نیازه

هامی نغمه لر ذکر یاحقدی یاحق
هامی دیده بینای انوار مطلق

دل آچ سنده ذکر و مناجاته دلدن
رها اول بو ظلمتگه آب و گِلدن

متن پیشنهادی:  گلدی زائر گینه کربلادن #کربلا_رضوی_زنجانی

علایقدن آزاده اول بیر زمانی
سماواتیده سیر ویر مرغ جانی

دل شبده دلداریله عرض راز ایت
خلوصیله جانانه راز و نیاز ایت

زبانِ دعائیله عرض ایله یارب
سن ای خالق ماه و خورشید و کوکب

او عصیانی عفو ایله مندن خدایا
که اونداندی تغییر آلاء و نعما (1)

او جرمی که حبس دعایه سببدور (2)
وقوعی نزول بلایه سببدور (3)

هامی پرده ی عصمتی پاره ایلر (4)
نزول نقمدن یوزی قاره ایلر (5)

کسر دست عاصینی ذیل رجادن
خدایا اوزون حفظ قیل بو بلادن

متن پیشنهادی:  ووروب هجران اوخی هر دم بو قلبه یاره یا مهدی #مهدیه

نظر ایله ای خالق بی نیازیم
شِفابخش درد دل و چاره سازیم

اولوب گرچه افزون و بیحد معاصی
کیمه دردینی سویله سون عبد عاصی

گناهیم منیم گرچه بی انتهادور
سنه شیوه احسان و لطف و عطادور

آدی ای اولان جمله دردین دواسی
هامی علّتین ذکری دارُ الشِّفاسی

منیم زاد راهیم امید و رجادور
صلاحیم دعادور، سلاحیم بکادور

سن ای نور امّید ظلمات غمده
سن ای دافع غصّه موج نقمده

نثار ایت سلامون هامی انبیایه
خصوصاً محمّد او خیرُ الورایه

هم اولاد پاک نبیّ کریمه
او دارای احسان و خُلق عظیمه

خدایا رها ایله غمدن جهانی
یاخین ایت ظهور امام زمانی

متن پیشنهادی:  ای منه ئورگه دن الف بانی #معلم_علی_اشرفی

او قائم به حق، طاقت جان زهرا
که اونلا دولار عدلیله جمله دنیا

یتور دادینه اهل دینون الهی
او گردون عصمتده رخشنده ماهی

عیان جلوه سین ایتسه اول نور مطلق
منوّر ایدر عالمی پرتو حق
ــــــــــــــــ
(1)اللَّهُمَّ اغْفِرْ لِی الذُّنُوبَ الَّتِی تُغَیرُ النِّعَمَ (دعای کمیل)
(2)اللَّهُمَّ اغْفِرْ لِی الذُّنُوبَ الَّتِی تَحْبِسُ الدُّعَاءَ (دعای کمیل)
(3)اللَّهُمَّ اغْفِرْ لِی الذُّنُوبَ الَّتِی تُنْزِلُ الْبَلاَءَ (دعای کمیل)
(4)اللَّهُمَّ اغْفِرْ لِی الذُّنُوبَ الَّتِی تَهْتِک الْعِصَمَ (دعای کمیل)
(5)اللَّهُمَّ اغْفِرْ لِی الذُّنُوبَ الَّتِی تُنْزِلُ النِّقَمَ (دعای کمیل)

#مناجات
#عابد_تبریزی
#آلور_دل_شمیم_محبت_صبادن
#ترکی

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی