یا مهدی
–
✍️زبدة الاشعار✍️
?: @nohe_torki
–
مرحوم حاج اسدالله امانی مجد اردبیلی
–
آلیبدی صبر و قراریم زمانه ، یا مهدی
اوجالدی ناله لریم آسمانه یا مهدی
–
اورک، اورک کَدری سینه ، سینه جانلاردا
دریب ، دریب یازیرام دانه ، دانه یا مهدی
–
گؤزومده سِئل،سِئل اودی دامجی ،دامجی آخشاملار
آخیب داغیتدیم اوزه یانه ، یانه یا مهدی
–
قوجاق ، قوجاق اؤزومه یئغمیشام سولان باغدان
سئنق ، سئنق قانادی لانه ، لانه یا مهدی
–
اسیر موج غمم بحر ، بحر حسرتده
کرانه یوخدی غم بیکرانه ، یا مهدی
–
یتیم قئزین داغیلان تئللرین اؤپوب گؤردوم
گزیر محبت اَلین ، شانه ، شانه یا مهدی
–
نوای بلبل اولور ناله صحنِ گلشنده
هایاندا گوردی اوچوق آشیانه یا مهدی
–
#امانیم دولانیب کوچه کوچه شهریزده
ملالی آختاریرام خانه ، خانه یا مهدی
–
#مهدیه
#آلیبدی_صبر_و_قراریم_زمانه_یا_مهدی
#امانی_اردبیلی
#ترکی
–
✍️ #زبدةالاشعار ✍️
?: @nohe_torki
نظر دهید