حالات حضرت رباب (س) در شام غریبان
.
✍️ زبدة الاشعار ✍️
?: @nohe_torki
.
نوید آسال اردبیلی
.
آل اطهاری فلک درده گرفتار ایله دی
علوی زاده لری طعمۀ اشرار ایله دی
.
روز عاشوریده بیر عده خباثت پیشه
ابن حیدر حقینی ظلمیله انکار ایله دی
.
یخدی قاسمله علی اکبر و عبّاسی یره
حد ظلم و ستمی اوندا نمودار ایله دی
.
بیر اوخیکی گوزل عبّاسی یخوب تپراقه
آلتی آیلیق بالانی جنته زوّار ایله دی
.
آیریلان وقتیده مخیمدن حسین میر اُمم
زینبه ویردی علم دینه علمدار ایله دی
.
بیر به بیر گللرینی ساتدی حسین جانانه
کربلا دشتینی شه عشقینه بازار ایله دی
.
روبرو دوردی عدو اللهیلن شمس هدی
قلب میدانی او دم نقطه پرکار ایله دی
.
حجّت اتمام ایله دی کفریله چون مظهر هو
حقی گورستمگه شه کوشش بسیار ایله دی
.
قانمادی قانماز عرب زادۀ زهرا سوزونی
یخماقا حقی یره همّت سرشار ایله دی
.
حرمله ویردی اونون سینه سینه بیر یاره
شیعه نی حشره جک عالمده عزادار ایله دی
.
سینه سی اوسته آچوب هر یارا بیر قرمزی گول
یاره لر پیکرینی گورملی گلزار ایله دی
.
غرق خون سجده ایدوب ساجد حق سبحانه
اوخلار آلتیندا حسین یاریله دیدار ایله دی
.
ناگهان خنجریلن شمر گلوب گوداله
گوندوزی زینب بی یاره شب تار ایله دی
.
یول تاپوب خیمه لره قوم جهول اموی
یاندیروب خیمه لری فاطمه نی زار ایله دی
.
هر قیزا گوردی کی زینب دگه ایستور قمچی
قوللارینی سپر ضربۀ اشرار ایله دی
.
اولماسیدی بو خانم یانمیشیدی اوتدا امام
حالینه اوندا دعا سیّد بیمار ایله دی
.
اصغرون بوش بشیگین غارت ایدوب اهل جفا
دیدۀ مادری حشره کیمی خونبار ایله دی
.
اکبر مه وشین عمّامه سینی آلدی عدو
لیلینین باغرینی قان لشگر خونخوار ایله دی
.
نوعروسون نشانین آلدی سپاه بدوی
حالینه شیون اونون کاشف الاسرار ایله دی
.
قورتاروب غارت و تاراج خیام علوی
ناله دشت و دمن و گلشن و نیزار ایله دی
.
جمع ایدوب زینب او دم قیزلاری زیر پرینه
قاره معجرلری اوز شاهینه انصار ایله دی
.
هره بیر یاندا توکردی یوزه گوزدن مرجان
هره اوز دلبرینه گوز یاشین ایثار ایله دی
.
ایستورم بوردا یازام غملی ربابون غمینی
او خانم کی غمینه زینبی غمخوار ایله دی
.
اشگیلر ردی اوزونده یازور ای وای بالاوای
بالا آتدی آنانی دهریده بی یار ایله دی
.
گوروب آغوشیده رویاده گوزل اصغرینی
زیر لب دردینی دلدارینه اظهار ایله دی
.
آلتی آیدا بالا ترک ایله دون اوتلی سینمی
آنا آغوشینی ترک هانسی لبن خوار ایله دی
.
باد صرصرله سولوب غنچۀ گلزار علی
غنچه می پرپر او اوچ شعبه اولان خار ایله دی
.
چرخ بی عار ایلیوب گوندوزومی لیلۀ تار
ایللر ایچره نجه گور مادرووی خوار ایله دی
.
گون کی باتدی گتیروب خیمه ده سو پایلادیلار
ایچمیوردوم بالا جانی بیبون اصرار ایله دی
.
سوت گلوبدور ولی یوخدی امنی تئز گل اوغول
گور نجه سوت ننوون جسمینی آزار ایله دی
.
حلقووه دگدی کی اوخ آچدی ابوالفضل گوزونی
حالووه ناله فرات اوسته کی سردار ایله دی
.
لااقل گل یوخوما بیر گئجه ایستکلی بالا
گور نجه قلبیمی سوزان شرر نار ایله دی
.
گل گوروم حلقووی اوغلوم نجه اوخ پارچالیوب
نجه بوس حلقووی اول تیغ جفاکار ایله دی
.
قانووی ویر یاخوم آغ ساچلاریما تا دیه لر
آنا آغ زلفینی همرنگ رخ یار ایله دی
.
سن گیدن وقتیده میدانه اوغول یاتمیشدون
خوابیدن حرمله تیری سنی بیدار ایله دی
.
محسنی ئولدورن اوغلوم سنیده مندن آلوب
ستم ثانینی بو دشتیده تکرار ایله دی
.
قالمادی بوش بشیگونده منه دل داغلاماقا
غارت اول قونداقی بو لشگر کفار ایله دی
.
کاخ آمالیمی بیراوخ ایله دی ویرانه
بختیمی قاره همان تیر شرربار ایله دی
.
اوخ بالاتک سنه یوخ دگدی منیم قلبیمدن
ئولمدیم زندگینی دای منه دشوار ایله دی
.
یادگارون بالا قالدی بویانان سینمده
دردیمی آرتوخ اوغول مردم بی عار ایله دی
.
قبره جک گئتمیه ای کاش بو یارا سینمدن
دیرناقون ردّی منیم دردیمی بسیار ایله دی
.
دیرناقون ردّی سینمده چکوب آی نقشه سینی
جسمیمی قرص قمر مطلع الانوار ایله دی
.
الله الله بالام آج گیتدی بوگون رزمگهه
ئوز قانیلان گوزلیم عرصه ده افطار ایله دی
.
خانمون محنتی جنّاتی ایدوب بیت الحزن
ناله پیغمبریلن حیدر کرار ایله دی
.
عدنیدن شیر خدا سسلدی دای بسدی رباب
حالووه ایندی نوا یکسره احرار ایله دی
.
شکر ایله صبح و مسا خالق زهرایه #نوید
کی جوانلیقدا سنی خادم دربار ایله دی
.
#شام_غریبان
#اصغریه_شهادت
#حضرت_رباب
#آل_اطهاری_فلک_درده_گرفتار_ایله_دی
#آسال_اردبیلی
#ترکی
.
✍️ #زبدةالاشعار ✍️
?: @nohe_torki
چوخ گوزل وجهیده یازیلیب اله نفسیزه بلا ورمه سین التماس دعا