خروج از مدینه
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
#آسال_اردبیلی
.
آناجان ترک ایدورم مدفنووی ایللریلن
گیدورم دشت غمه زینب غم پروریلن
.
.
باغلامیشدیم حقیلن زریده پیمان آناجان
گوزلور الآن یولومی زهریلی پیکان آناجان
گیدورم تا کی اولام دینیمه قربان آناجان
یتیشم وصل نگاره یارالی پیکریلن
.
.
لیلی اکبرله گیدور ناز ایلیور دلبرینه
لایلای آهسته چالور غملی رباب اصغرینه
هامی حیران باخور عباسون اوزون اللرینه
همسفردور بو گجه شمس و قمر اختریلن
.
.
کربلاده ولی بو عزت و شوکت قالاجاق
اوردا باشه هاموسی بیر قره معجر سالاجاق
سود امر اصغری پیکان آناسیندان آلاجاق
گیده جک جنته اوغلوم بولونن حنجریلن
.
.
نیمۀ شبده گرک یثربی بیز ترک ایلیک
واردی بیر غم کی سالوب شیشه اقبالیمه لک
داخی اوچ یاشدا رقیم وطنی گورمیه جک
شامیده قبره گیدر عمه سینون معجریلن
.
.
ایندی زینب کی اونون قافله ده حرمتی وار
کربلاده باجیمون موج ایلین محنتی وار
قییدنده گوره جک سن بوکولن قامتی وار
من شریکم بو قیامیمده همان خواهریلن
.
.
گله جک سن اوچوله اکبریمه وای دیه سن
قولسوزعباسیمه نهراوسته باتان آی دیه سن
مقتلیمده منه بیر دفعه ده لایلای دیه سن
یولووی گوزلیورم قانه باتان لشگریلن
.
.
خنجر دشمن اوگون چوخ باشی تندن آرالار
واردی بیرغم کی یانان قلبیمی اوخ تک یارالار
کربلاده بو اوشاقلار آنا گول تک سارالار
باغبانم گیدورم پرپر اولام گللریلن
.
.
دشت غمده بالالار باب وفانی آچاجاق
هاموسی سینه لره تیر ملامت ساچاجاق
وقت غارت بواوشاقلار تیکان اوسته قاچاجاق
چوخی صحرایه قاچار ناریده یانمیش پریلن
.
.
خط ایمانی عدو خنجر کفریله سیلر
گلشن معرفته صرصر ماتم اسیلر
ظهروقتینده باشیم ظلمیله دالدان کسیلر
موعد وصلیم او گوندور احد اکبریلن
.
.
شمریلن زینب ایدر باشیمون اوستونده جدل
آتاجاق خنجر عریانه باجیم اوندا کی ال
سنی امداده چاغیرسا آناجان دادینه گل
گل اورک ویر باجیما شیوه ی پیغمبریلن
.
.
قان ایچینده ایدرم سجده خداونده اوگون
ایدرم مشعل ایمانیمی تابنده اوگون
ئولرم دینی ولی ایلیرم زنده اوگون
قویمارام دین اولا ویران فتن کافریلن
.
.
دینیمی عشق یولوندا ایدرم یاخجی ادا
بنده سیندن اولا تا حضرت دادار رضا
منی الله یارادوب تاکی اولام عشقه فدا
خوشدی بویولدا بولونسه بدنیم خنجریلن
.
.
داناجاق حقیمی اعراب بداختر علنی
اوج عزتدی اگرحق گوره قان ایچره منی
ای علی فاطمه سی گوزلیورم اوردا سنی
اوردا دیدار ایدرم سن کیمی خوش منظریلن
.
.
ای «نوید» قویما سارالسون ادبون گلزاری
چون ادبلن اولوب عباس حسین سرداری
نوکر فاطمه اولماق ادب ایستر آری
اوزووی ایتمه قیاس منزوی یا انوریلن
.
.
.
#آناجان_ترک_ایدورم_مدفنووی_ایللریلن
#ترکی
.
✍️ #زبدةالاشعار ✍️
.
🆔: @nohe_torki
نظر دهید