تنور خولی
زبانحال حضرت زهرا(س) بسر مقدس سیدالشهداء (ع)
.
.
.
مرحوم عاصی تبریزی
.
آنان باشون گوره بولمزدی گل برگ تر اوستونده
اوغول ایندی نئجه گورسون یاتوب خاکستر اوستونده
.
.
نه شور عشقدور باشوندا ائیلوب عالمی حیران
قویوب اوز اهل بیتین وادی غربتده سرگردان
گلوب کوفه دیارینده اولوبدور خولییه مهمان
ائدوب دنیا باشنا کول یاتوبدور کوللر اوستونده
.
.
گلنده قتلگاهوندن گذاریم دوشدی اولده
بیر اوزگه وضعده نعشون گوزه گورسندی مقتلده
باخوب گوردوم نه اندازه شقاوت واردی بجدلده
کسوب اول بی حیا انگشتوی انگشتر اوستونده
.
.
یاخاردیم زلفومه قانون گلردیم نی تک افغانه
دوتوب اود اودلاناردیم جور و ظلم قوم عدوانه
دوباره ساربان ظلمی باتوردی زلفومی قانه
ائله یاندیم کسنده اللرون بند زر اوستونده
.
.
یارالی پیکرون هر چند غرق بحر خون گوردوم
قلج اوخ زخمین اما زخم خنجردن فزون گوردوم
او نوعی پایمال سمّ اسب خصم دون گوردوم
آغارمیش زلفومی آچدیم او باشسیز پیکر اوستونده
.
.
او باش که راضی اولمازدی آچا باش خالق رحمان
نئجه انصاف ائدوب خولی کول اوسته ایلیوب مهمان
بئله بیر میزبان گورموب بو چشم عالم امکان
قوناقه یر وئره بیر نامناسب بستر اوستونده
.
.
نه تک زهرادی بو باشه باخور دلدن یانور آغلور
شرار آهله جَدَّه ن خدیجه عالمی داغلور
سرشگین هاجر و حوا و سارا عارضه باغلور
یاخوندور غش ائده مریم بو رأس انور اوستونده
.
.
بو عارض دور کوله باتموش و یا مرآت سبحاندور
بو باشوندور بلشمیش قانه یا لعل بد اخشاندور
بو قاندور آغ محاسنده و یا کیم شطّه مرجان دور
و یا خون دل زهرادی گل برگ تر اوستونده
.
.
مشیّت اقتضا ائتموش باشون مطبخ سرا گورسون
مقدّردور یقین بوندان بویوک بیر ابتلا گورسون
سرِ نی دیر راهب شامده طشت طلا گورسون
هامی بیر ظلمه دوزسون دین حیّ داور اوستونده
.
.
اگرچه یا حسین من «عاصیم» خیلی گنهکارم
ولی سن قُوؤما درباروندن ای شه بی هوادارم
بونیله افتخاریم وار که منسوب بو دربارم
ایکی دنیا بسیمدور بیر آدون بو نوکر اوستونده
.
.
#تنورخولی_عاصی_تبریزی
#آنان_باشون_گوره_بولمزدی_گل_برگ_تر_اوستونده
#ترکی
.
.
نظر دهید