زبدةالاشعار

آنا جان مشرف ائدوب عجب بو گئجه بو منزله گلمیسن #تنورخولی_عاصی_تبریزی

زبانحال حضرت زهرا (س) به امام حسین (ع) درتنور خولی
سوال و جواب
.
🔰 زبانحال حضرت زهرا (س)
#باشوون_سراغینی_آلموشام_من_اوغول_بو_منزله_گلموشم
.
🔰 جواب امام حسین (ع)
#آنا_جان_مشرف_ائدوب_عجب_بو_گئجه_بو_منزله_گلمیسن

.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
آنا جان مشرف ائدوب عجب
بو گئجه بو منزله گلمیسن
نیه قویموسان بئلیوه الون
ندور علتی بئله گلمیسن
.
.
سنه زحمت اولدی بو گلماقون
منی ائیلدون ولی سر فراز
سنی گوردوم آتّدی خجالتیم
ائیلینمدیم سنی پیشواز
گوئل آلچاق ائلماقون سنون
منه وئردی عالی بیر امتیاز
اوزیوی شکسته دوتوب اودور
بئله پست محفله گلمیسن
.
.
بولوسن واریمدی جراحتیم
یارالار سیزیلدیری ناخوشام
سنی گورماقیله گئدوب غمیم
آنا قلبیدن مین ائله خوشام
سنه من نه خدمت ائدیم نئدیم
تالیوبدی دشمن الی بوشام
بو قدر اوزاق یولی اوغلووی
یقین ائتماقا صله گلمیسن
.
.
دیگوروم نه حالیده دور باجیم
نئجه دور بو چرخه سازشی
او یتیمه قیزلاریم هاردادور
نئجه دور اولاره نوازشی
سویولاندا خیردا اوشاقلاریم
هارا یتدی زینبیمون ایشی
دیگوروم علیلیمی گورموسن
آنا بند سلسله گلمیسن
.
.
نیه یوز گوزون بلشوب قانا
دیگوروم آنا نه گلوب سنه
ره قتلگاهه دوشوب یولون
اودی گلمیسن بئله شیونه
الیمی کسنده او بی حیا
نقدر جفا ائیلدی منه
ائیلین زمانده ساربان
منیله مجادله گلمیسن
.
.
آغاران ساچوندا او قان ندور
نیه ساچلارون بویانوب قانا
ندور علتی بئله آغلوسان
منه دردیوی قیل عیان آنا
هانی زینبیم گلوب اوخشیا
سنه آغلیا منه ده یانا
آنا اغلاماقه بویور گوروم
منه هانسی نسگله گلمیسن
.
.
اوزوم آگهم بئله یاتماقیم
دگولی طریق ره ادب
ولی سن اوزون بولوسن منیم
بئله یاتماقیمدا ندور سبب
یورولوب چوخ اینجیمیشم بوگون
کسلوب باشیم آنا تشنه لب
بولوسن واریمدی شکایتیم
سنه ائتماقا گله گلمیسن
.
.
بو کول اوسته یاتماقا دلخوشام
آنا جان اوز حالیمه یانمورام
ایکی گوزلریمه دولوبدی کول
یوخ الیم سیلم گوز آچانمورام
بئله بولمه ایستی کول اوسته من
سنه ناز ایدوب بیر اویانمورام
دیمه دیندیرور سنی فاطمه
نیه بس حسین دیله گلمیسن
.
.
نه عجب حسینوی نصف شب
بئله وقته یادیوه سالموسان
باشوا دوروم دولانوم سنون
باشیمی کناریوه آلموسان
دیگوروم نیه بوکولوب بئلون
نیه بس بو گونلره قالموسان
بیر الین قابرقاوا قویموسان
بیر الین آنا بئله گلمیسن
.
.
هامونون جهانیده «عاصیا»
بئله آستانه ده وار گوزی
خوش اولا او کمیسه نون حالینه
اونی انتخاب ایده شه اوزی
سنه لطف و مرحمت ائیلیوب
شه اوزی یازاندا همین سوزی
آنا جان مشرف ائدوب عجب
بو گئجه بو منزله گلمیسن
.
.
.
#تنورخولی_عاصی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آغلارام سند‌ن سورا قارداش علی زار آغلارام #حضرت_صغری #صراف_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی