زبانحال حضرت زینب (س)
.
✍️زبدة الاشعار✍️
.
🆔: @nohe_torki
.
سیّد ولی اله معینی فر
.
آنا جان گَلَر غمونده
متّصل فغانه زینب
آنا وای دیَر دَمادَم
اود سالار جهانه زینب
غم کش زمانه زینب
.
.
آنا جان بو غم کشیده فرقتونده سینه داغلار
غصّه دن اولوب گلوگیر سیل اشک عذاره باغلار
سس سسه ویرور منیله قارداشیم حسنده آغلار
بولَّم ایمدی اولدی سن سیز غم کش زمانه زینب
.
.
یوزی هیچ جهاندا گولمز آناسیز قیزین بیر آنی
آناسیزلارین فغانی ای آنا گویه دایانی
چشم روزگار گورموب سن کیمی رئوف آنانی
حقّی وار گله غمونده آه و الامانه زینب
.
.
سن منی غمونده ایتدون سینه داغلی دیده گریان
بوش گوروب یِرون ئولونجه اولّام هر زمان پریشان
گورمدون جهاندا خوش گون بیر دقیقه سن آنا جان
یری وار بو غمده ائتسون گوز یاشون روانه زینب
.
.
قنفذین جفاسی امّا طاقتون اَلوندن آلدی
قولّاروندا تازیانه یرلری ئولونجه قالدی
بولمدی بیر کس ئولونجه قولووا کیم یاره سالدی
حشره تک یانار اورکدن بو غم گرانه زینب
.
.
اورگیمده درد و غمدن نسگلیم وار عالم عالم
سنی یاده سالّام هر آن اوج ایدر سپهره نالم
آنائیله هر زماندا قیز اولار عزیز عالم
اولاجاقدی سن سیز ایمدی غملره نشانه زینب
.
.
نجه که جوانلقوندا قامتون بوکولدی غمدن
بوکولر منیم ده قدّیم آنا سن تک چوخ مُحَندن
ایله کربلاده اعدا آلاجاق قرار مندن
اولاجاق اسیر او چولده شمریله سنانه زینب
.
.
سنی چولقادی جهاندا نجه که مصیبت و غم
بو آز عمریده آغاردی ساچون اولدی قامتون خم
غصّه چکماقا گرک من باغلیام بیلیمی محکم
صبر ایده بلا چولنده جور کوفیانه زینب
.
.
سنون هر زمان ملالون سالارام آنا خیاله
ایدرم مصیبتونده گئجه گوندوز آه و ناله
کیم منیم کیمی دایاندی بو قدر غم و ملاله
عمری وار نه قدری آغلار، سنه یانه یانه زینب
.
.
نه قدر سنه جهاندا ظلم ایدوب بو اهل کینه
ایله کربلاده اعدا ظلم ایدور بو دل غمینه
«والِه» ایستوری که اولسون قسمتی بو ایل مدینه
ایسته سین بو رو سیاهی گوزل آستانه زینب
.
.
#سبک_سو_یوخومدی_قیزلاروندان … 5 سبک
.
#فاطمیه_شهادت
#آنا_جان_گلر_غمونده_متصل_فغانه_زینب
#معینی_فر
#ترکی
.
✍️زبدة الاشعار✍️
.
🆔: @nohe_torki
نظر دهید