زبدةالاشعار

آنا دردین منه گلسین نیه گول تک سارالوبسان #فاطمیه_زلفی_تبریزی

شهادت حضرت زهرا سلام الله علیها
☑️ سوال و جواب حضرت زینب کبری با مادرشان حضرت زهرا علیهم السلام در بستر بیماری
.
✍️ زبدة الاشعار ✍️
.
🆔: @nohe_torki
.
#زلفی_تبربزی
.
☑️ زبانحال حضرت زینب سلام الله علیها
.
آنا دردین منه گلسین نیه گول تک سارالوبسان
بیله دوتقوندی جمالون طاقتیم الدن آلوبسان
درد الوندن غم الوندن نه یامان حاله قالوبسان
زینبم آنا دور گویلومی بیر آل
قوللارون بوینوما بیر سال
.
.
اولدوخ آماج بلالر نه عجب دور و زماندی
بیکسوخ بیله زماندا بیزی ترک ایتمه اماندی
داغ سالار قلبه بو نسگیل آناسیز لیق نه یاماندی
زینبم آنا دور گویلومی بیر آل
قوللارون بونوما بیر سال
.
.
درگهون اوتدا یاناندان ناامید اولدون اوزوندن
دوشدی چوخ مشگله امرون دوشمدون صبر و دوزومدن
اشگیوی عارضه توکمه قوی اوپوم نیلی یوزوندن
زینبم آنا دور گویلومی بیر آل
قوللارون بوینوما بیر سال
.
.
اریدوب غصه وجودون قالمادی جان آنا سنده
صورتون بیر گوله بنزر که سولوب صحن چمنده
سنیلن غنچه ده سولدی سر سر ظلم اسنده
زینبم آنا دور گویلومی بیر آل
قوللارون بوینوما بیر سال
.
.
قاپمیز اوتدا یانان گون نه هجوم ایلدی اشرار
ظلم اغیاریله قالدون آنا بین درو دیوار
قان اولان سینوی قانه بویادی آتش و مسمار
زینبم آنا دور گویلومی بیر آل
قوللارون بوینوما بیر سال
.
.
آهیمیله دل اهل عالمی نسگیله سالام
گوررم آشفته دی حالون غملرین قیدینه قالام
دولانوب باشیوه آخر دردوی جانیمه آلام
زینبم آنا دور گویلومی بیر آل
قوللارون بوینوما بیر سال
.
.
بو آز عمرونده جهاندا غصه دن گول کیمی سولدون
یارالی قوش کیمی مادر جور صیاده سخلدون
نه اولوب کوچه ده بولمم آنا توپراقه یخلدون
زینبم آنا دور گویلومی بیر آل
قوللارون بوینوما بیر سال
.
.
☑️ جواب حضرت زهرا سلام الله علیها
.
قزیم اگلش سنه زینب قلبیده چوخلی سوزوم وار
یتیشوب آخره عمروم بو یانان دیلده کوزوم وار
منی غصه اریدوبدی نه قیزم سنده دوزوم وار
آغلاما بالا آغلاتما بو زاری
سن نوالی من عزالی
.
.
یاندیرار جانیمی زینب بیله نیسگیللی نگاهون
بیله باخما یانا یانه اوت ورور قلبیمه آهون
قوی ایدیم شانه بیر اللی بالا بو زلف سیاهون
آغلاما بالا آغلاتما بوزاری
سن نوالی من عزالی
.
.
من اولندن سورا قویما آغلاسونلار حسنینی
ای منه نایبه زینب حیدرین نور دوعینی
او چتین یوم بلاده سنه تاپشردیم حسینی
آغلاما بالا آغلاتما بو زاری
سن نوالی من عزالی
.
.
غم اسیری اولاجاقسان کربلاده سنه قربان
سنه هر غمده شریکم گلرم بیر سنه مهمان
یاری یانمش چادروندا ساخلاروخ شام غریبان
آغلاما بالا آغلاتما بو زاری
سن نوالی من عزالی
.
.
( زلفیِّ ) غرق گناهم سیئاتیله اجینم
سرفکنده یوزی قاره اهل ناریله قرینم
ولی ایللردی که زهرا غمینه زار و حزینم
آغلارام نقدر جانیده جان وار
نقدر دیلده توان وار
.
.
#سبک_عروسم_باشیمه_کوللر_الندی
.
#فاطمیه_شهادت
#آنا_دردین_منه_گلسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گنه همان گئجه نون حالی یادیمه دوشدی #تنورخولی_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی