زبانحال حضرت زینب (س) در سوگ مادر
.
.
.
#سبک_منیم_ای_تشنه_قربانیم … #سبک_علی_اصغر_مه_انور … (بیش از 7 سبک سینه و زنجیر) :: بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
.
.
مرحوم ذهنی زاده تبریزی
.
آنا وای حالیمه سنسیز
یتیم روزگار اولدوم
توکولدی باشیمه کول لر
ئولونجه دلفکار اولدوم
.
( ننم لایلای ننم لایلای ) ( 2 )
.
.
.
.
بو سونمز اود که یاندوردی فلک، من بینوا یاندوم
شرار هجریوه دلدن آلیشدیم یاندیم اودلاندیم
داخی سنسیز یوزوم گولمز اوزوم بو نکته نی آندیم
نه قدری من وارام بولّم پریشان حال و زار اولدوم
.
.
.
نه دریادور که غرق اولدوم همیشه طعن طوفان وار
نه الدن بیر دوتان گوردوم نه ساحل وار نه پایان وار
نه ئولّم نه خلاص اولّام نه بیر بو درده درمان وار
عجب بیر چاره سیز درده جهاندا من دچار اولدوم
.
.
.
یرون بوش گورّم هر لحظه، دولار دل مُلکینه محنت
زبسکه غصّه غم چکدیم که دوتدوم دردیله الفت
نه بیر گون ناله دن دویدوم نه یاتدیم بیر گجه راحت
نه گیتدیم بیر زمان هوشه نه بیردم هوشیار اولدوم
.
.
.
بو چرخ کجمدار ایتدی منه بیر بیله ظلمی فاش
گرکدور ایلسون جاری ئولونجه گوزلریم قانیاش
الیمدن دامن وصلون ویرونجه جان ویریدیم کاش
نه وقتیمدور آناسیزلیق غمینده اشکبار اولدوم
.
.
.
او قدر نسگلون واردی سخشماز ضمن مطلبده
که یوخدور شرحینه یارا مقال و نطق زینبده
که غسل و کفن و تدفینون اولوندی ظلمت شبده
دوشندی یادیمه، صبریم کسیلدی بیقرار اولدوم
.
.
.
گجه دفن اولماقون یاده دوشر قان آغلارام هر آن
آناوای ناله سی دلدن اوجالدوب ایلرم افغان
بلاکش زینبین جانی او ایتگین قبریوه قربان
او قبرین فکرین هر لحظه ایدوب دل داغدار اولدوم
.
.
.
تاپِیدیم قبریوی ایکاش گلنده غملریم جوشه
سالیدیم قول او قبر اوسته، باسیدیم جان تک آغوشه
شمیم جان فزاسیندن آلیدیم جانه بیر توشه
گوریدیم روحیم آیریلدی سنیله هم مزار اولدوم
.
.
.
آغارموش زلفینون شرحی بتولون شرح اطولدور
دل عاجز، نطقلر کوته، ولی مطلب مطوّلدور
سنونده «ذهنیا» جرمون اگرچه چوخ مفصّلدور
یاز آغلا سویله یازهرا سنه امّیدوار اولدوم
.
.
.
.
#فاطمیه_شهادت
#آنا_وای_حالیمه_سن_سیز_یتیم_روزگار_اولدوم
#ذهنی_زاده_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید