زبدةالاشعار

آنا یا فاطمه یاتما اویاندور #فاطمیه_سعدی_زمان

زبانحال امام حسین (ع) در بالین حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم حسینی #سعدی_زمان
.
آنا یا فاطمه یاتما اویاندور
حسینین گور نه نوعی باغری قاندور
.
منی بیر ساقلیقون تک آل کناره
منه درد فراقین چوخ گراندور
.
رضا اولمازدون ایلوم ناله بیر آن
عذاره گوز یاشیم ایمدی رواندور
.
سسیمه ایمدی سن سس ویر آناجان
منی آز نار هجرانیله یاندور
.
سنیدی قلبیم اولمازدون رضا سن
او قلبیم لخته لخته ایمدی قاندور
.
حسن قارداشیم آغلار بیر طرفده
آنا اولادیوه محشر عیاندور
.
آچوب باش زینبین بیر یاندا آغلار
یولار زلفین قدی غمدن کماندور
.
اولوب کلثوم اویاندا مو پریشان
آنا وای زینبه ورد زباندور
.
آنا چوخ درد و غم چکدون جهاندا
منیم سنسیز ملالیم جاوداندور
.
قولین سیندی قاپون یاندیردی دشمن
سنین بو غملرین دلده نهاندور
.
اولوب اون سگز ایل عمرین جهاندا
زبس غم چکموسن قدین کماندور
.
اوزین گئتدون خلاص اولدون اگر چه
عیالین صبح و شامی باغریقاندور
.
منی سندن صورا مقتول ایده لّر
ائدن بو ظلمی قوم کوفیاندور
.
کسر بو باشیمی شمر جفاجو
ز بس بی رحم مخلوق جهاندور
.
باجیم زینب چیخاندا خیمه لردن
گورر قانلی باشیم نوک سناندور
.
یانار آغلار توکر رخساره قانیاش
باجیم زینب منه چوخ مهرباندور
.
ویرر سعد اوغلی شمر دونه فرمان
ووروب اود خیمه و خرگاهی یاندور
.
قیزین سسلر سنی اولدم هرایه
آنا گل زینبین حالی یاماندور
.
ئولوب قارداشلاریم یوخ پاسبانیم
آلان اطرافیمی بو کوفیاندور
.
وورار شمر لعین قمچی باشیمدان
دیر زینب نولوب نه الاماندور
.
چکر شامه کیمی چوخ درد و محنت
یزید بی مروت کامراندور
.
دوشنده خیردا قیزلار ناقه لردن
قالان چوللرده سسلر سارباندور
.
حسین آدین « حسینی » ایلوب ازبر
بو اسم پاک اونا ورد زباندور
.
شفیع محشره محشرده محبوب
بو عالمده حسینه آغلیاندور
.
حسینه آغلا هر قدر عمرین اولسا
حسین اوددان سنی بُل قورتاراندور
.
عزادار حسین یانماز جزاده
بَکا اَبکا بونا شرح و بیاندور
.
.
#فاطمیه_شهادت
#آنا_یا_فاطمه_یاتما_اویاندور
#سعدی_زمان
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  رحم ایله بیزه یتیموخ آچما ال جفایه حارث #طفلان_مسلم #محمدی_ناطق

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی