زبانحال امام حسین (ع) در شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم ذهنی
.
آه ای آنا حسینون
گیتدی قراری سن سیز
هرگز قرار و صبره
یوخ اختیاری سن سیز
.
.
.
اُف بی وفا جهانه یوخ بیله بیر وفاسیز
آلدی سنی الیمدن قویدی منی آناسیز
بیر صبح تیره گونوم شام اولماز آه و واسیز
تار ایلیوب گوزومده غم روزگاری سن سیز
.
.
.
کیم من کیمی بلایه عالم ده مبتلادور
سن تک آنا فراقی بیر چاره سیز بلا دور
یوخ اوزگه چاره وردیم ذکریم آنا آنا دور
دوشمز آدون دیلیمدن لیل و نهاری سن سیز
.
.
.
افکاریمی او قدری مشغول ایدوب خیالون
مد نظردن اصلا غائب دگول جمالون
ترسیم اولور گوزومده تصویر بی مثالون
فکر عالمینده گورّم نقش نگاری سن سیز
.
.
.
از بس که قان اولان دل دوتموش غمونله اُلفت
نطق ایلوب اوز اوزیمه قیلّام سنیله صحبت
گورّم جوابون اولماز بولّم واریمدی غفلت
دردون دانیشدیرارمیش بو دلفکاری سن سیز
.
.
.
یوخ بیر دقیقه الده دیگِ غم ایتمسون جوش
دوشسون سیزیلتیدان دل اولسون غمون ده خاموش
من ایتمرم ئولونجه نیسگیل لرون فراموش
کانون دلده سونمز آهیم شراری سن سیز
.
.
.
قویموشدی امت ایچره جدّیم سنی امانت
حفظ ایتمدی شئونون بو قوم بی دیانت
مجهول اولوندی قدرون چکدون نه قدر اهانت
یاد ایلدوقجا اولّام غملر دچاری سن سیز
.
.
.
مشکل دی بیله نیسگیل چیخسین منیم یادیمدان
کیم سن کیمی گئجیله قبره قویولدی پنهان
ایتگین قالان مزارون قربانیم آنا جان
بو جان او قبرون ایکاش اولسون نثاری سن سیز
.
.
.
بس وضع ناگواره دؤر زمانه دوندی
سن سیز بهار عمروم سولدی خزانه دوندی
وصلونله شاد اولان دل هجرونله قانه دونده
اولدی سرشک تر تک رخساره جاری سن سیز
.
.
.
غم دفترینده ذهنی نظم ایلمز نظامی
شوق طواف قبرون گر اولماسا مرامی
گر دلده قبره گیتسه بو حسرت عظامی
ختم اولمیا حسابی محشر ده باری سنسیز
.
.
.
#سبک_احوالیمیز_یاماندی … 10 سبک
#سبک_ای_اکبرین_مارالی
با اضافه کردن واگیر مناسب
.
.
#فاطمیه_شهادت
#آه_ای_آنا_حسینون_گیتدی_قراری_سن_سیز
#ذهنی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید