خروج از مدینه
زبانحال حضرت صغری (س) بحضرت علی اکبر(ع)
.
✍️ زبدة الاشعار ✍️
.
🆔: @nohe_torki
.
سبک های مشابه :: حسین جان گل علمدارون… خداوندا الیم بوشدی …. ئوزوم گوردوم … بزن بر سینه و بر سر…
.
مرحوم #صافی_تبریزی
.
آپارسان من علی قارداش
دل بیماریله گلَّم
اله آلسام او زلفوندن
اگر بیر تار مو گلَّم
.
.
اگر چه بستر غمده
نه مدّت دور گرفتارم
اوزوم بیر عمردور قارداش
علیلم ناخوشام زارم
گئنه آردونجا یوز اوسته
سورونماقه کیمی وارم
سن اولسان خسته جسمیله
تنِ تبداریله گلَّم
.
.
علی مین بیله جسممده
اگر ضعف مزاج اولسا
خوشام بازار عشقونده
متاع جان رواج اولسا
گئنه سندن اولور قارداش
منه هر وقت علاج اولسا
بو درد و رنجدن گول تک
سولان رخساریله گلَّم
.
.
زبس قارداش باجون صغری
ضمیری صافدور بی غش
دوتوبدور عشق اودی اولموش
وجودی سربسر آتش
یانار جسمی بو آتشده
گئجه گوندوز سمندر وش
دم خودسوزدن یرده
قالان آثاریله گلَّم
.
.
سنه گوگلومدن عالِم سن
خصوصی بیر ارادت وار
علی هر قدر دنیاده
وارام من بو محبّت وار
اؤزومده بولمورم سرّین
نه حکمت نه علامت وار
وجودیمده سنون عشقون
قویان اسراریله گلَّم
.
.
سالاندا یادیمه قارداش
بو هر گونکه سیاقون من
دوام ایلوب دؤزوم مشکل
چکم درد فراقون من
یقینیم دور گورم ئولَّم
قالوب بوش طوی اتاقون من
اودور بو نوع یالوارّام
بو قدر اصراریله گلَّم
.
.
مریضه حالیمه باجیم
سکینه چوخ مواظب دور
آنام یوخدور آنامدان بو
منه آرتوق مراقبدور
آپارسان غم یمم هرگز
علی یاخشی مصاحبدور
دیریلّم اوندا کیم منده
او خوش رفتاریله گلَّم
.
.
علی ای نوگلِ باغِ
بتول و گلشن یاسین
نشاط جاودانِ دل
علاجِ غصّۀ دیرین
مزاجه تقویت گتدون
مذاق تلخ اولور شیرین
سنون تک بیله شیرین دل
شکر گفتاریله گلَّم
.
.
غم درد فراقونده
رضا اولما دوشوم دلدن
قالوم من قالماسون بیر کس
وطنده بیر بویوک ائلدن
بو ذوقیله که حظّ اولسون
اوزاقدان عارض گلدن
رضای باغبانیله
جفای خاریله گلَّم
.
.
.
#سبک_علی_اصغر_مه_انور
(بیش از 7 سبک سینه و زنجیر)
.
.
#خروج_مدینه
#حضرت_صغری
#آپارسان_من_علی_قارداش
#صافی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید