آچدی گوزعالم امکانه امام عسکری #عسکریه_رمضانی_خاکی

مدح و میلادیه حضرت امام حسن عسکری علیه السلام
.
✍️ زبدة الاشعار ✍️
.
🆔: @nohe_torki
.
روح اله رمضانی ( خاکی )
.
آچدی گوزعالم امکانه امام عسکری
دوندروب دنیانی رضوانه امام عسکری
.
گللری گلشنده حیران ایلدی زیبایوزی
رونق آرتیردی گلستانه امام عسکری
.
نورچشم مرتضی بندفوادمصطفی
حضرت زهرایه دردانه امام عسکری
.
مشعل رخسارینه اهل سمانی بوگجه
ایلیوب یثربده پروانه امام عسکری
.
صورتی مشکات نورلم یزلدی ،واریری
نازائده خورشیدتابانه امام عسکری
.
عشقه آنداولسون اگرطعنیله باخساحقی وار
یوسف زیبای کنعانه امام عسکری
.
درگهینده حاتم طایی گدادور،بوگجه
پهن ائدوب بیرخوان شاهانه امام عسکری
.
خوش اولااحوالوزه یاران سیزی شخصااوزی
دعوت ایلوب خوان احسانه امام عسکری
.
قیل تقاضای صله آل سامرایه تذکره
یوخ دئمزوالاهی مهمانه امام عسکری
.
غملی قلبیم شاداولوب وجدوسروره مایلم
غصه می چاتدیردی پایانه امام عسکری
.
ساقی عشقی گزورالده گنه جام طهور
عالمی ایلوبدی میخانه امام عسکری
.
جام عشقیندن اگروئرسیدی بیرجرعه نشان
عاقلی ایلردی دیوانه امام عسکری
.
چیخمادی آلله سوزوندن محترم اجدادی تک
اولدی داراشان شایانه امام عسکری
.
نوکردرگاهینی ذات خداونده قسم
چاتدیرارجاه سلیمانه امام عسکری
.
سینه سی علم لدنی دن دولیدی اول شهین
چونکه خلق اولموشدی فرزانه امام عسکری
.
قویمامیش بوفانی دنیایه قدم اول محترم
حکمت آموزیدی لقمانه امام عسکری
.
جمله مخلوقات اوشاهون حیطه ی حکمونددی
حکمراندی(خاکی)دورانه امام عسکری
.
گرگناهون اولساداباب شفاسین دوی مدام
یوخ دئمزکیم گلسه درمانه امام عسکری
.
.
.
#عسکریه_میلادیه
#آچدی_گوز_عالم_امکانه_امام_عسکری
#رمضانی_خاکی
#ترکی
.
✍️ #زبدةالاشعار ✍️
.
🆔: @nohe_torki