زبدةالاشعار

آچگوزون سر لشگریم ای قلبیمه آرام اویان #عباسیه_سعدی_زمان

زبانحال شاه حجاز در بالین حضرت ابوالفضل العباس (ع)
.
✍️ زبدة الاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم حسینی سعدی زمان
.
آچگوزون سر لشگریم ای قلبیمه آرام اویان
پرچمون یاتدی یخلدی پرچم اسلام اویان
.
.
باش و جان وقف رواج مذهب و دین ایلدون
پرچمون یاتدی ولی ترویج آئین ایلدون
اهتراز پرچم اسلامی تضمین ایلدون
قانوی دین اوسته توکدی قوم بدفرجام اویان
.
.
نه قوای انتظامی وار نه لشگر نه وزیر
تک سنی برهنگ لشگردن دوتاردیم من دلیر
سندی سنسیز لشگریم ، اولدی جری قوم شریر
ای شجاعت بیشه سینده قان توکن ضرغام اویان
.
.
سنسیز اجرا ایلمز بر کیمسه منویّاتیمی
کیم بُلر برنامۀ آمال و تبلیغاتیمی
انقلابیّون پوزار بو چولده تشکیلاتیمی
ایده آلین ایلر اجرا قوم بدفرجام اویان
.
.
من اوزوم یالقیز کمکسیز بی معین و آشنا
دشمنین امّا قواسی چوخ قوی وحشت فزا
ای بو لشگر سیز شهه فرمانده کلّ قوا
ظلم الیله قارداشون یالقوزلیوب ظلاّم اویان
.
.
ای وجودی گوهر مهر و مواساته صدف
آسمان حُسنه ماه آل هاشم متّصف
ایلدی کیم قانیله ماه جمالون منخسف
سن دوتولدون گوندوزوم اولدی گوزیمده شام اویان
.
.
قول بوداغین قیردیلار بو سروه بنزر قامتین
قویدولار بی سایه بو چولده پیمبر عترتین
ایتدیلر گل قانویله نهر علقم تربتین
گل نشین ایتدی امیدیم ناقه سین آلام اویان
.
.
ای سوسوز ساقی اولان جامی جفائیله شکست
هر وفالی عاشقه ویردون وفائیله شکست
کاسۀ سر ، جام چشمون بر یارائیله شکست
کاخ دین ترمیمین ایتدی بو شکست الزام اویان
.
.
من گلنده العطش صوتیله دولموشدی خیام
سو دیوب آغلاردی یکسر عترت خیرالانام
دولدوروب گوز مشگین اشگیله سوسوز قیزلار تمام
دلده سو یولاردا گوز الده قوری بیر جام اویان
.
.
سن که گیتدون سوز غم اودلار پیمبر قزلارین
گوز یاشی سیراب ایدر ساقیّ کوثر قیزلارین
دل سیه دشمنلریم زهرای اطهر قیزلارین
قولاّری باغلو ایدلّر کوفیه اعزام اویان
.
.
شیریدون سن ای آتام شیر خدایه یادگار
حیله ایله روبهان کوفیه اولدون شکار
کسمه سیدی پنجه وی قوم خطا کار و شرار
زخمدار آهو تک اولمازدون خدنگه رام اویان
.
.
ای هامی الدن اوجا سر پنجۀ شیرانه سی
صف شکن ، شیرخدا تک پنجۀ مردانه سی
اودلانار سنسیز غزالان حرم کاشانه سی
ای شجاعت کانی شیر شرزۀ آجام اویان
.
.
روسفید اولسون ایکی دنیا آنان امّ البنین
بسلیوبدور سن رشادتده جوان حامی دین
نه گوروب مانندیوی چشم سموات و زمین
نه دوغار مثلون دوباره مادر ایّام اویان
.
.
قولّارون قانی یازوب صدق و صفادن بیر رقم
گوزلرون قانی غم بی انتهادن بیر رقم
آنّوون اوخ یاره سی شرح وفادن بیررقم
قارداشون قان آغلادار عمرینجه بو ارقام اویان
.
.
سنکه آتدان دوشدون ای بو بیکسه پشت و پناه
عترتیم قالدی بو غملو دشتیده بی دادخواه
باشیمی تشنه کسر دویماز جفادن بو سپاه
ایلر آلِ مصطفانی سویماقا اقدام اویان
.
.
یاتماقا خلق اولمیوب بو خلق «سعدیّ زمان»
خواب غفلتدن اویانسان وار حیات جاودان
آختارورسان گر بقا فانی اولاندا بو جهان
یاتما جهد ایت سال اله بیر جاودانی نام اویان
.
.
#عباسیه_شهادت
#آچگوزون_سرلشگریم_ای_قلبیمه_آرام_اویان
#کنزالحسینی2 ص 59
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قالان گهواره سی خالی علی لای لای بالام لای لای #اصغریه_نادری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی