زبدةالاشعار

آچیلیب گول کیمی گلزار امامتده جواد #جوادیه_واصف_مرندی

در ولادت و شهادت حضرت جواد (ع)
.
✍️ زبدة الاشعار ✍️
.
🆔: @nohe_torki
.
کربلایی احد ظهرابزاده (واصف مرندی)
.
آچیلیب گول کیمی گلزار امامتده جواد
عزتین ثابت ائدیب یوم ولادتده جواد
کرم وجودینه مصداق عبارتده جواد
.
.
انتظارلار یتوروب آخرینه ماه رجب
حملیدن فارغ اولوبدور آناسی دلده طرب
ارمغان گتدی امامت ائوینه بیر مه شب
جدّی پیغمبره مظهردی وجاهتده جواد
.
.
گوردولر شأن رضایه او مُؤیّد یاراشیر
بشریتده اولا فرد زبانزد یاراشیر
آدینا آدلار آراسیندا محمد یاراشیر
بو آدین لایقیدی اصل نجابتده جواد
.
.
آدینی قویدی محمّد تانینا پیغمبر
لقبین وئردی تقی ،کنیه سینی بوجعفر
خاندان نبوینی ائلدی کاملتر
جاودان ائیلیه اسلامی نهایتده جواد
.
.
فخر ائدردی آتاسی عزّت دیرینه سینه
نور حق تابش ائدردی شرف آئینه سینه
عادت ائتمیشدی خانم عمّه سینین سینه سینه
شاهکار ائتدی احادیث روایتده جواد
.
.
آدی دیلدن دیله دوشموشدی میان مردم
گوزی شهلا ئوزی آی گونه سی رنگ گندم
فخر ائدر طعنه ویرانلاره امام هشتم
پارلادی گون مثلی عرش ولایتده جواد
.
.
اولدی تزریق وجودینده علوم نبوی
ایلدی خط مرامینده بیوک پیشروی
هر لحاظینده او سنّینده برومند و قوی
فوق العادیدی اطاعتده عبادتده جواد
.
.
آتاسینان بیر ایلی حجّه اولوب همسفری
چوخ مزیّن ائلدی مکّه نی اجلال فری
علوی چهره لری جلب ائدیب اهل نظری
هادی اوصافیدی آئین هدایتده جواد
.
.
بین اعمالیده عرض ایلدی بیردن آتاجان
منی بو طرز طوافین ائلییبدور نگران
گوئیا حجّ وداعیندی وار اسرار نهان
خطر احساس ائدیر البتده بو بابتده جواد
.
.
آغلادیبدور آتاسین اشکه باتیب رخساری
نبوی علمیله بی پرده گوروب اسراری
ال چکیب باشینه حضرت ائلدی دلداری
اولا تا صبره پناهنده مصیبتده جواد
.
.
آیریلیق دوشدی آتاسیلا خلاصه آرییا
پوزولوب صحنه ی یثرب بو چتین ماجرییا
رضوی غافله سی آیریلیب هاردان هارییا
آتا دیدارینه آغلاردی اسارتده جواد
.
.
آیلار ایللر دولانیب هجرانا داغلاندی جگر
اولان اولدی نه دئیوم ایلدی احساس خطر
ناگهان گلدی خراسانه وجودینده شرر
آتاسین درک ائلدی حال شهادتده جواد
.
.
دفن کفن ائتدی آتاسین او برازنده مرام
طبق آئین پیمبر ائدیب اول امری تمام
یتوروب منصبینه اولدی امام اوغلی امام
هشت سالیدی بو عنوانه لیاقتده جواد
.
.
خرجه وردی او قدر دینه گوره حساسی
جلب ائدیبدور ئوزونه عام خواص الناسی
ائتدی تحقیر خلافتده بنی عبّاسی
خطر جدّی اولوب رأس خلافتده جواد
.
.
همزمانیدی شریف عمرلری مأمونه
بو شبیه اولدی رضایه اودا کی هارونه
محضر و ساحتینه اولدی ستم هر گونه
اولدی مسموم ستم غصّه لی حالتده جواد
.
.
امّ فضل عامل ظلم اولدی لعین بنت لعین
حضرتی ایلدی مسموم لعین جعده کیمین
پشت بامه چیخادیب آتدی مبارک بدنین
گون ویرا ایلَنَه بلکه او حرارتده جواد
.
.
عطر جنت یاییلیب شهره گل زهرادن
نور ربّانی طَلَعلُع ائدیب اول سیمادن
مست ائدیب مردمی اول رایحه ی زیبادن
بی مثالیدی ز بس قدر و قداستده جواد
.
.
پردۀ ظلمده قالماز ابدی آثارلار
بیر یره چاتمادی باشلاردا اولان افکارلار
امّ فضلین ائوینی دورَه لَدی عطّارلار
مست و مدهوش ائلییب خلقی طراوتده جواد
.
.
گوردی رسوا اولاجاق آلمادی حقّی نظره
بیر جنایت ائلدی عالمی سالدی خطره
قاچدی غیضیله امامین بدنین آتدی یره
آیری بیر صحنه سالیب یاده او حالتده جواد
.
.
اوچ شهیدین بدنی واژگون اولدی اوجادان
اوّلی حضرت مسلمدی وئریب ظلمیله جان
ایکیمنجی سی ابوالفضلیدی السیز عطشان
آغلادیب عالمی بو غملی شباهتده جواد
.
.
#جوادیه_واصف_مرندی
#جوادیه_میلادیه
#آچیلیب_گول_کیمی_گلزار_امامتده_جواد
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سَنلَنَم ای قلم اطاعت ائله #حسینیه_محمد_وهابزاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی