آچ گوزلرین ای شاه دین یاتما اویان قارداش #غارت_خیام #لاادری

زبانحال حضرت زینب سلام الله علیها در قتلگاه و غارت خیام
.
✍️ زبدة الاشعار ✍️
.
🆔: @nohe_torki
.
#سبک_ویرانه_ده_نازلو_بالام
.
شاعر ؟؟؟
.
آچ گوزلرین ای شاه دین
یاتما اویان قارداش
آغلور سنه عرش وزمین
یاتما اویان قارداش
.
.
.
.
سینونده ایندی سایبان
شمشیریلن اوخدی
وای زینبون ئولسون اخا
چون اوخ یاران چوخدی
گلدیم دوداقونن اوپم
گوردوم باشون یوخدی
نه باش قالوبدی نه الین
یاتما اویان قارداش
.
.
.
.
گل تک سنی پرپر ائدوب
بو فرقه ی نسناس
نه اکبرین واردی اخا
نه اصغر و عباس
تا نعشیوین اوسته سنه
دوتسونلا قارداش یاس
دوغرانمیش ازدم لشگرین
یاتما اویان قارداش
.
.
.
.
اکبر ئولنده اوت دوتوب
یاندون غمِ یاره
اصغر چالاندا ال ایاق
اولمادی گهواره
تا وار نفس آغلار گوزوم
قولسوز علمداره
اوتلاندی بو غمده دلین
یاتما اویان قارداش
.
.
.
.
علت ندی اطفالیوی
گوزدن بئله آتدون
قانیله آلدون دستماز
اوز قانیوه باتدون
قان ایچره چالدون ال ایاق
زهرانی آغلاتدون
یاندی سنه عرشِ برین
یاتما اویان قارداش
.
.
.
.
دوشدی ندن الدن اله
قارداش بئله تاجون
حیرتده قویدی عالمی
بو قانلی معراجون
قان ایچره چالما ال ایاق
قربان سنه باجون
یورما بو قدری پیکرین
یاتما اویان قارداش
.
.
.
.
شام اهلی شامه دوندری_
بدی گوندوزون قارداش
اخیامه مجبورم گئدم
سویله سوزون قارداش
ئولدوردی ایندی خیمه ده
قیزلار ئوزون قارداش
سولدی سارالدی گوللرین
یاتما اویان قارداش
.
.
.
.
ایندی منیم تک باش یولور
معناده زهراده
یوخ بیر نفر قارداش گله
بو لحظه فریاده
باری ابوالفضله خبر
وئر گلسین امداده
قالدی الیمده دامنین
یاتما اویان قارداش
.
.
.
#قتلگاه
#غارت_خیام #لاادری
#آچ_گوزلرین_ای_شاه_دین
#ترکی
.
✍️ #زبدةالاشعار ✍️
.
🆔: @nohe_torki