زبدةالاشعار

آچ گوزون ای غنچۀ خندان اوغول #اصغریه_رهبری_تبریزی

زبانحال حضرت رباب(س) به حضرت علی اصغر (ع)

.
✍️ #زبدةالاشعار✍️
.
🆔: @nohe_torki
.
مرحوم رهبری تبریزی
.
آچ گوزون ای غنچۀ خندان اوغول
باغریمی ایتدون منیم آلقان اوغول
.
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
عزّتیله من سنی سالدوم یولا
انتظارون خیمه ده چکدوم بالا
هانسی ظالم حلقوه ویردی یارا
زھرلی اوچ شعبه لی پیکان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
روحومون سن سن هماسی آی بالا
دردیمین سن سن دواسی آی بالا
یاندیرور بو اوخ یاراسی آی بالا
یاروه اولماز ایدن درمان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
آچمامیشدیم من سنی سوددن هله
حسرت ایلردیم بالام گلسون دله
آرزو می گوزده قویدی حرمله
ایلدی گوز یاشیمی آلقان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
چوخ علاقه من یتورمیشدیم سنه
بیر باخیش مهر و محبت دور منه
کاش آچیدون دل دییدون بیر نه نه
من دییدوم جان سنه قربان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
آچ گوزون بیرده گوروم شهلا گوزون
لاله تک قانه بویانموش گل یوزون
آچمادون دل تا دییدون سن سوسوزون
یوز گوزون قان ایلیوب الوان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
اوچ گونی سنله سوسوز قالدوم بالا
حالیوه باخدوقجا من یاندوم بالا
باشیمه آخر قارا سالدوم بالا
قالدوخ اوچ گون سنله من عطشان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
جَدَّه وَه مندن اوغول ایتمه گله
کاش آچیدون دل گلیدون بیر دیله
کیم گوروب دیلسیزاوشاق عطشان ئوله
اولمادی سود ایله دون افغان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
خیمه ده سن آغلادون من آغلادیم
سینه می من نار غمده داغلادیم
قولارون بند قماطه باغلادیم
حالیوه قالدوم اوزوم حیران اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
من دیدیم میدانه گیتمه یات بالا
تاب ایله باشدان سو فكرین آت بالا
آغلیوب گل آز منی آغلات بالا
ایستمه سؤ ئولدورر عدوان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
صبریمى الدن آلوبدور فرقتون
گوزلرون آچماقه یوخدور طاقتون
ایتمرم سندن صورا سو صحبتون
سو گورنده ایلرم افغان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
قیزلاری یغموش رقیه باشینه
اذن ویرموش هر بیری گوز یاشینه
اوخشیور سن تک علی قارداشینه
گورنه اولموش سینه سی سوزان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
ئولسه آهونون بالاسی چون ملر
داغ داشی گزدوقجا گوز یاشین الر
قلبینه دوشسه یارا قالماز ئولر
غم ربابی ایلیوب گریان أوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
ای اولان باب الحوائج شهرتی
چولقویان کون و مکانی عزتی
«رهبرینی» آغلادار سو صحبتی
جانی اولسون قبریوه قربان اوغول
گل آلوم آغوشیمه لای لای دیوم
«لای لایوم خوش گلمسه ایوای دیوم»
.
.
#اصغریه_رهبری_تبریزی
#اصغریه_شهادت
#آچ_گوزون_ای_غنچۀ_خندان_اوغول
#ترکی

متن پیشنهادی:  از عشق گل، بلبل دل، کرده بهونه #فاطمیه_لاادری

.
✍️ #زبدةالاشعار✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی