زبانحال حضرت حسین(ع) در شهادت حضرت فاطمه زهراء (س)
.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
آچ گوزون گور بیر نجه حالیم پریشاندور آنا
فرقتونده لاله تک باغریم دولى قاندور آنا
.
.
من همان اوغلون حسینم راضی اولمازدون بیر آن
غملنم محزون اولام یا ایلییم داد و فغان
ایمدی دور گور بیر نجه اشک تریم اولموش روان
گوزلریم گویا دولوب بیر ابر نیساندور آنا
.
.
ای آنا جدّیم ئولندن گولمیوب بیر آن یوزوم
آغلیاندا سن، سنیله آغلیوب آغلار گوزوم
ساقلقوندا قویمیوبسان منده آرام و دوزوم
ایمدی بس نیلوم که حالیم حال هجراندور آنا
.
.
بوش گوروب محرابووی بوندان صورا داد ایلرم
ناقۀ صبری غمونده اوز الیمله پی لرم
جانی ظلمین یاد ایدوب داد ایتمرم بس نیلرم
سن کیمی هانسی بیر عورت خانه ویراندور آنا
.
.
ایلیوب باد فراقون گل تک افسرده منی
بوندان آرتوق ای آنا قویما گلوم درده منی
ساقلقون تک باسماسان بو سینوه بیرده منی
درده سالّام عالمی دردیم فراواندور آنا
.
.
وار یری اولسا گوزیمده تیره بودنیا منیم
قالمادی دنیاده سن سیز خوش گونوم اصلا منیم
نازیمی بوندان صورا بس کیم چکر آیا منیم
خوش گونوم خوش روزگاریم هانسی بیر آندور آنا
.
.
یاده سالدوقجا سنی گلّم فغان و شیونه
ایلرم ناله همیشه آغلارام یانّام سنه
کربلا دشتینده هر گون سنده یان آغلا منه
اوندا که گوردون جنازه م قانه غلطاندور آنا
.
.
قوملار اوسته قویما قالسون پیکر صد پاره می
جان کیمی آغوشه چک زلفونله خشک ایت باره می
قویماز اعدا نعشیم اوسته زینب بیچاره می
آغلاسون یانسون، سن آغلا عالمی یاندور آنا
.
.
ئولدورلَّر کربلاده بیربیر آل هاشمی
دوندَرَلّر قانه ظلمیله منیم گوز یاشیمی
مایل اولسان گورماقا قانه بلشمش باشیمی
کوفیه گیت کوللر اوسته بُل که مهماندور آنا
.
.
آغلیوب دوتسا منه هر کیمسه دنیاده عزا
هم شهابه ایلرم تائید اگر نوحه یازا
قویمارام یانسون اودا منده اونی روز جزا
نوکریمدور اجر و مزدی باغ رضواندور آنا
.
.
.
.
#فاطمیه_شهاب_تبریزی
#فاطمیه_شهادت
#آچ_گوزون_گور_بیر_نجه_حالیم_پریشاندور_آنا
#ترکی
.
✍️ #زبدةالاشعار ✍️
.
🆔: @nohe_torki
نظر دهید