آیا وصیِّ اوّلِ بر حقِّ خاتم #حیدریه_سیدبشیرحسینی

مدح پرشور امیرالمومنین علیه السلام
.
✍️ #زبدةالاشعار ✍️
.
🆔: @nohe_torki
.
سیدبشیر حسینی میانجی
.
آیا وصیِّ اوّلِ بر حقِّ خاتم،
کیمدور؟ علی، کیمدور؟ علی، کیمدور؟ علی دور.
تنها امیرالمومنین کلّ عالم،
کیمدور؟ علی، کیمدور؟ علی، کیمدور؟ علی دور
.
.
قرآنیده او علّمَ الاَسمایه سوگند
کوثرده گلمیش لفظ اَعطینایه سوگند
اَسراده سُبحانَ الّذی اَسرایه سوگند
پیغمبره معراجیده همراه و همدم،
کیمدور؟ علی، کیمدور؟ علی، کیمدور؟ علی دور
.
.
تنها کسی که کعبه ده دنیایه گلدی
بیتِ خدایه زینت و پیرایه گلدی
شانینده قرآن ایچره اوچ یوز آیه گلدی
سرچشمه ای که اوندان اولموش خلق خرّم
کیمدور؟ علی، کیمدور؟ علی، کیمدور؟ علی دور
.
.
نورِ نبی دن خلق ائدوب نورِ علی نی
سالدی بیزیم باشه ازل شورِ علی نی
لعن ایله شیعه! خصمِ منفورِ علی نی
گل نطقه محفل ده آدین ذکر ائت دمادم
کیمدور؟ علی، کیمدور؟ علی، کیمدور؟ علی دور
.
.
ابراهیمه ناری ائدوب گلشن بو مولا
موسایه وئردی وادیِ ایمن بو مولا
وئردی نجات عیسایه دار اوستن بو مولا
اُول کس کی اوندان دم آلوب عیسی بن مریم
کیمدور؟ علی، کیمدور؟ علی، کیمدور؟ علی دور
.
.
ذاکر علی، مذکور علی، اذکار علی دی
حیدر علی، صفدر علی، کرّار علی دی
داور علی، دلبر علی، دلدار علی دی
بحر کرم، تکریم و اکرام و مکرّم،
کیمدور؟ علی، کیمدور؟ علی، کیمدور؟ علی دور
.
.
مروه-صفاده یِئدّی دفعه قاچدی هاجر
سو آختاروردی اوغلونا بیچاره مادر
اسماعیله جاری ائدوب سو حیّ داور
اُول کس کی آدین زمزمه ایلوردی زمزم
کیمدور؟ علی، کیمدور؟ علی، کیمدور؟ علی دور
.
.
هر آینه آیینه ی معبود علی دی
قاصد علی، مقصد علی، مقصود علی دی
ساجد علی، سجاد علی، مسجود علی دی
مسجودِ امرِ “اُسجُدوا” اللهُ اَعلَم،
کیمدور؟ علی، کیمدور؟ علی، کیمدور؟ علی دور
.
.
“سیّدبشیر” مدح ایلیینده سویله: به به
بلبل گوررنده بو گولی باشلادی چه چه
مات ایلیوبدی یوسف کنعانی بو مه
حُسن آیه سی، ماه منیرِ لیلِ مُظلَم،
کیمدور؟ علی، کیمدور؟ علی، کیمدور؟ علی دور
.
.
#حیدریه_مدح
#آیا_وصی_اول_بر_حق_خاتم
#ترکی
.
✍️ #زبدةالاشعار ✍️
.
🆔: @nohe_torki