خروج از مدینه
#ترکی
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی … 5 سبک
.
فتح الله #خدانواز (نوازی)
.
آیریلوب گئدور وطندن، آل مرتضی الهی
بیر مریض ناتوانه، قالمور آشنا الهی
.
.
سسلنور بابا سن الله گئتمه بیر دایان مریضم
دیزلریمده قالمیوبدور طاقت و توان مریضم
ائللریم گئدور الیمدن باغریم اولدی قان مریضم
بو دیاریده تاپیلماز دردیمه دوا الهی
.
.
اکبریمده گئتسه نیلوم چوخدی محنت و ملالیم
آز قالوبدی قانه دونسون گوزلریمده اشگ آلیم
گورنجه فلک آلوبدور الدن عزت و جلالیم
من کیمی دوشوب بلایه هانسی بینوا الهی
.
.
گوگلومی یامان گونومده اکبریم آلاردی هردم
نیلیوم ندور علاجیم ایندی همدمیم اولوب غم
ائللریم گئدور گوزیمده روز حشر اولور مجسّم
یوخ داخی قالان منیله خویش و اقربا الهی
.
.
نار غمده یانّام الله یوخدی دردیمون دواسی
دائماً بو ائوده اوللام درد و غصه مبتلاسی
دیدینه گلر مریضین اولسا خویش و اقرباسی
چرخ دون بو بینوایه ایلیور جفا الهی
.
.
گه دیردی اکبریم گل باخ بو چشم اشگباره
قورخورام بو گل جمالون بیرده گورمیم دوباره
دور اقلّی بیر دویونجان ایلیوم سنه نظاره
تا دیوم بو سرو قدّه یتمسین بلا الهی
.
.
ائلدن آیریلا چتیندور بیر مریض دل شکسته
اگلشوب دیزین قوجاقلار تک قالاندا زار و خسته
باالخصوص اولار مکدّر غم توکولسه غملر اوسته
طاقتین آلار الیندن غملی ماجرا الهی
.
.
آند وئرّوک اول مریضِ بی قراره الله الله
چاره سیز قالان مریضه ایله چاره الله الله
سنسن ایلین نظاره دل فکاره الله الله
قویما بینوالر اولسون درده مبتلا الهی
.
.
#آیریلوب_گئدور_وطندن_آل_مرتضی_الهی
.
✍️ #زبدةالاشعار ✍️
.
🆔: @nohe_torki
نظر دهید