زبانحال حضرت زینب (س)
.
✍️ زبدة الاشعار ✍️
.
🆔: @nohe_torki
.
#کریم_رنجبری_لاهیجی
.
آیریلیقدان اورک قاندی قارداش
زینبین حالی گریاندی قارداش
گوزلریم یولدا من انتظارم
منزلیم شام ویراندی قارداش
.
.
درد الیندن باجون جانه گلدی
یول سالوبدور بو ویرانه گلدی
دوندی غملی اورک قانه گلدی
شامه گل گور نه طوفاندی قارداش
.
.
آیریلوبدور اَخا یانه یانه
گلدی بیرده بلالی مکانه
چوخ وروبلار منه تازیانه
تسلیت طعن عدواندی قارداش
.
.
گل دِی زهرایه زینب وئریر جان
گوزلری یولدا اولموش پریشان
عمریمون گلشنی تاپدی پایان
چون ایشیم ناله افغاندی قارداش
.
.
ای قالان جسمی عریان یارالی
دوشموشم ائللریمدن آرالی
هانسی بیر گل منیم تک سارالی
کیم دیور غربت آساندی قارداش
.
.
وار نه اکبر نه قاسم حسینجان
اولدولار ظلمیله قانه غلطان
گلسه عباس اگر قیلسا احسان
جانیم اول جانه قرباندی قارداش
.
.
آغلاماقدان سنه دویمادیم من
هیچ عزا رختینی سویمادیم من
دفن ائدوب قبره چون قویمادیم من
گور نه حالیم پریشاندی قارداش
.
.
قالدی قوم اوسته پیکر کفن سیز
خسته بلبللر اولموش چمن سیز
گلدی زینب حسین شامه سنسیز
گوزلر آغلار اورک قاندی قارداش
.
.
مقتلونده سنه آغلادیم من
یارالی قلبیمی داغلادیم من
تا ئولونجه عزا ساخلادیم من
ایندی گل عمر پایاندی قارداش
.
.
جور عدوانیدن خسته یم من
دائم اهدافیوه بسته یم من
قورتاروب عمر جان اوسته یم من
آخرین وقت هجراندی قارداش
.
.
قلب زاریم اولور پاره پاره
نیلیوم یوخدی بو درده چاره
گل ئوزون قوی حسینجان مزاره
صبر ائوم بیرده تالاندی قارداش
.
.
زینبین حالی دنیانی داغلار
گل سارالدی خزان اولدی باغلار
جان ویرن ساعتیم کیملر آغلار
زینبه لطف ائت احساندی قارداش
.
#سبک_ای_قلم … 5 سبک
.
#زینبیه_شهادت
#آیریلیقدان_اورک_قاندی_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید