آییرور منی عم اوغلی غم روزگار سندن #فاطمیه_دلریش

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
آییرور منی عم اوغلی غم روزگار سندن
نئجه آیریلوم بویور سن من دلفکار سندن
.
.
گل اوتور یانیمدا ایلوم سنه بیر نئچه وصیت
بیزی قویمادی زمانه ائلیاخ بیر استراحت
گئدورم قالوب گوگولده هامی آرزوی حسرت
بو قدر که دویمادیم من شه تاجدار سندن
.
.
بودی بیر وصیتیم بس گئجه غسل وئر بو زاره
کفن ایله اوز الونله گئجه قویگیلن مزاره
بو فراق چوخ چتیندور بولوسن بو داغداره
ئولورم بو قبر ائوینده گینه انتظار سندن
.
.
بیریده بودور که زینب باتا چوخ ملاله قویما
آنادان یتیم اولور قیز ائلینده ناله قویما
آچا باشین اشک دیده توکه گل عذاره قویما
گئجه لر اماندی قویما اولا بیر کنار سندن
.
.
بودا بیر وصیتیم دور سنه شاه مشرقینیم
گئجه لر یاتار منیله بولوسن بونی حسینیم
باشی سینه م اوسته یوخلار او ضیاء هر دو عینیم
اونی حفظ قیل اولوم من چوخ امیدوار سندن
.
.
بویوروب بابام حسینون باشینون بلاسی چوخدور
کسه جاق قفادن اعدا بئله ماجراسی چوخدور
قویاجاخ کول اوسته خولی ستم و جفاسی چوخدور
باتاجاقدی قانه آخر دوشه جاق کنار سندن
.
.
غرض اوز یرینه گون تک او مخدّره چکیلدی
هامی عالمون باشینه او زماندا كول توکیلدی
حسنین یتیم اولوبلار قدی زینبون بوکیلدی
دئدی دویمادیم آناجان من بیقرار سندن
.
.
یتوروب تمامه غسلین کفن ایلدی او مولا
چاغیروب جنازه اوسته حسنینی شاه بطحا
کفن ایچره قوللارینی آچوب اول زماندا زهرا
دئدی گل حسین که دویمام من داغدار سندن
.
.
#سبک_سو_یوخومدی_قزلاروندان … 5 سبک
.
.
#فاطمیه_شهادت
#آییرور_منی_عم_اوغلی_غم_روزگار_سندن
#ترکی
.
✍️ #زبدةالاشعار ✍️
.
🆔: @nohe_torki