زبدةالاشعار

آی وفا ملکون ده سلطان قارداشیم #عباسیه_هدایت_تبریزی

زبانحال امام حسین (ع) در بالین برادر
.
.
✍️ #زبدةالاشعار ✍️
.
🆔: @nohe_torki
.
هدایتی تبریزی
.
آی وفا ملکون ده سلطان قارداشیم
خسته سن ، چوخدور یاران جان قارداشیم
.
باش اوجا پیمانوی وئردین باشا
پر آچئب سینه نده پیکان قارداشیم
.
دین و قرآن دان حمایت ایلدین
اولموسان جانانه قربان قارداشیم
.
من سنه قربان اولوم حق قربانی
چوخ گوروبسن یاره ، جان جان قارداشیم
.
بو نه یوزدور ، بو نه قاش گوز ، بو نه باش
پیکرین اولموش پریشان قارداشیم
.
آی بنی هاشم آیی باتدئن نه تئز
قان محاقنده قالوبسان قارداشیم
.
آغلاماق قویمور سنه لایلای دئیم
اشک چشمیم اولدو نیسان قارداشیم
.
گور الین قالخئر منیم سئل اشکمی
منده یارا یوخدور الان قارداشیم
.
راضی اولمازدئن حسین غمگین اولا
مشکلون ایلردین آسان قارداشیم
.
ایندی وار بیر مشکلوم یوخ چاره سی
دردیمه دور ایله درمان قارداشیم
.
سن یخلماق چوخ چتین درد دور منه
قالمشام سر در گریبان قارداشیم
.
بیر بو قانلی گوزلرون آچ باخ منه
گور نجه قان آغلورام ، یان قارداشیم
.
گورسون ایستردی فلک بو صحنه نی
سنده گریان منده گریان قارداشیم
.
حیف او قامت کی بئله دوشموش یئره
اولموسان قانیله الوان قارداشیم
.
کیم کسیب حیدر اؤپن بازولری
ایلیئب کیم بیله تالان قارداشیم
.
نطقه گل بیر یول دا قارداش دی منه
چوخ دو دردیم ایله احسان قارداشیم
.
یوخ حیاتین لذّتی سنسیز منه
دهر حسینه اولدو زندان قارداشیم
.
دردیوی اظهار ائله دردین بئلیم
تاپمسان درد فراوان قارداشیم
.
یوز گوزونده لخته لخته قرمزی
قان دی بو ، یا لعل و مرجان قارداشیم
.
روحومون وار سنله انس و الفتی
قلمارام بو عشقی پنهان قارداشیم
.
سنده باتدئن قانه دوشدون تپراقا
محشریم اولدی نمایان قارداشیم
.
قوی اوپوم اکبر کیمی گول صورتون
فیض آلیم ، گتمه شتابان قارداشیم
.
دور ، سکینه خیمه ده یول گوزلویور
قزلاریم اولموش هراسان قارداشیم
.
اصغریم عطشاندی گئتمش حالئدن
خیمه ده الان وئرر جان قارداشیم
.
قطعه قطعه پیکر موزونووی
دوغریوب دور تیغ برّان قارداشیم
.
گول کیمی گول پیکرین اوراق اولوب
گول له نیب قانونلا میدان قارداشیم
.
ای گولوم من بلبل نالانوام
اولموسان ظلمیله خندان قارداشیم
.
گئت ، آتام شیر خدا گوزلور یولون
اول اونا جنّت ده مهمان قارداشیم
.
چوخ یامان گوندور کمکسیز قالمشام
من تکم ، دشمن فراوان ، قارداشیم
.
سن اوزون گئتدین قوتاردئن غصّه دن
یوخ منیم غصّه مده میزان قارداشیم
.
قلبیم اودلاندی گورنده باشوی
آتمسان دنیانی باشدان قارداشیم
.
خدمتین چوخ ، محنتین چون ، یاره چوخ
چوخ وروب غدّاره عدوان قارداشیم
.
آی شل اولسون کیم سنه ورموش یارا
خوار اولا اصحاب شیطان قارداشیم
.
گوزلریم نوری گوزون یومما هله
قلبمه یوز وئردی حرمان قارداشیم
.
چوخ شجاعیدون وروبلار چوخ سنی
وئرمیسن عشق اوسته تاوان قارداشیم
.
گئتمه ، گوزله منده آردنجا گلیم
قالمارام چون ، قالما یولدان قارداشیم
.
اول قدَر قالمور جدا اوسته چخام
لشگره اوردان وئرم سان قارداشیم
.
دیده تر باخسین ( هدایت ) ده منه
باغلاسین محنتلی دیوان قارداشیم
.
.
#عباسیه_هدایت_تبریزی
#عباسیه_شهادت
#آی_وفا_ملکون_ده_سلطان_قارداشیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای ولیّ ذات سرمد یاعلی #الهادی_جابری_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی