زبدةالاشعار

ئورگشون هرگونده ای اسلامیان قرآنوزی #کهنمویی

معنی قرآنی مؤمن بیلمسه کافر بولر؟
.
✍️ زبدة الاشعار ✍️
.
🆔: @nohe_torki
.
مرحوم کهنمویی
.
ئورگشون هرگونده ای اسلامیان قرآنوزی
حکمین اجرا ایلیون گورسون جهان قرآنوزی
.
.
روز عاشورا حسین احیای قرآن ایلدی
قانلو باشی نیزه ده ایتدی بیان قرآنوزی
.
.
هارداکه بیر آیه گوردون بیلمدون معناسینی
گچمه تیز ئورگش ایله هر امرینون اجراسنی
هر شب جمعه اوخورسان آنلامورسان یاسینی
قلب قرآندور اودور یاده سالان قرآنوزی
.
.
.
اوندا که لطف ایله دی خلاق سبحان ملته
ایستدی زور ایتمسون انسان و شیطان ملته
گوندورب پیغمبری ئورگتدی قرآن ملته
ئورگشوب هر شهریده پیر و جوان قرآنوزی
.
.
.
دین آدیله گوردی دینی محو ایدور دینسیز یزید
ملته ناجور اولور تفسیر قرآن مجید
حقی اثبات ایلماخدا اولدی لب تشنه شهید
تاحقیقت اهلنه ویرسون نشان قرآنوزی
.
.
.
حکم قرآنی نیه دینسیزلره ئورگتمدوز
دین دانان الله سیز آئین سیزلره ئورگتمدوز
بس نیه ئورگشمدوز سیز بیزلره ئورگتمدوز
درس دین اسلامیده ایئدوز هاچان قرآنوزی
.
.
.
حکم قانون نظامینی هامی لشگر بولر
تابع و سرجوخه و سرلشگر و یاور بولر
معنی قرآنی مؤمن بیلمه سه کافر بولر؟
خلقه دنیاده نیه ایتدوز نهان قرآنوزی
.
.
.
آچمادوز آیا نیه دنیاده قرآن مکتبین
بیلمدوز قدرین بو پاک و بو مقدس مذهبین
اجنبیلردن آلور اولادوز اصل مطلبین
بی اثر بی فایده آنلور جهان قرآنوزی
.
.
.
اولین درسی که واجبدور سیزه قرآنیدی
ئورگشه معناسنی هرکیم بوله انسانیدی
بولمیه یا اولمیا عامل اونا نادانیدی
درس واجب ایتدی خلاق زمان قرآنوزی
.
.
.
هرعمل که آیۀ قرآنیله جور اولماسا
صاحبی غم ایتمسون بیر اجره مأجور اولماسا
جنت اهلیله اگر جنت ده محشور اولماسا
بیلمیوب ئورگشمیوب نازل اولان قرآنوزی
.
.
.
سعی ایدون سیز حد دین مصطفادن چخمیون
روح دینی منجنیق درد و غمده سیخمیون
دین و قرآنین ایوین باطل الیله یخمیون
دینوزه بیلسون سند بیگانگان قرآنوزی
.
.
.
هرقدر ئورگشمیوب قرآنی اطفالوز سیزون
گورمز اصلا بیر زمان صلح و صفا حالوز سیزون
خوار و بیمقدار اولار دنیاده امثالوز سیزون
قویمیون اطفالوز ایتسون روی خوان قرآنوزی
.
.
.
درس قرآن ئورگشوب ئورگتماقی واجب بیلون
دین یولون قرآن یولیله گیتماقی واجب بیلون
معنی سین اشخاصه تلقین ایتماقی واجب بیلون
ایلیوب باور زمین و آسمان قرآنوزی
.
.
#پندیات_قرآن
#ئورگشون_هر_گونده_ای_اسلامیان_قرآنوزی
#کهنمویی
#ریاضی_تبریزی
#ترکی
.
.
✍️ #زبدةالاشعار ✍️
.
🆔: @nohe_torki

متن پیشنهادی:  بولورم نقدری زمانه دن اؤرگونده وار گله فاطمه #فاطمیه_فغانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی