شهادت حضرت زهرا سلام الله علیها
#گریز #شام_غریبان
.
✍️ زبدة الاشعار ✍️
.
🆔: @nohe_torki
.
مرحوم #خوندل_تبریزی
.
ئولدی زهرا مرتضی اولدی غمینده سوگوار
گوز یاشین رخساره توکدی شهر عشقه شهریار
.
ایلمیشدی چون وصیت چرخ عصمت کوکبی
ایلسون اغیاریدن تکفین و دفنین استتار
.
عدل و انصافیله گر بو ماجرا تطبیق اولا
حشره دین اهل ولانین قلبین ایلر داغدار
.
حال خلوتده بتولین مرتضی غسلین ویروب
ایستموب بیگانه لر تاپسون بو امره اختبار
.
نقل ائدر راوی که گوردوم صبر دریاسی علی
گلدی ناگه نالیه گئتدی الیندن اختیار
.
چوخ پوزولدی حالتی بیر شدتیله آغلادی
اشکینی جاری ایدوب رخساره چون ابر بهار
.
حالیمی پوزدی او شاهین حالتی عرض ایلدیم
ای هامی عالم سنون صبرینده حیران و فگار
.
فرقت زهرا سنی آیا بیله محزون ایدوب
واردی یا بیر آیری علت ای شه گردون مدار
.
ائتدی فرمایش بتولین محنت هجرینده من
واردی حقّیم آغلاسام قیلسام ئولونجه آه و زار
.
وار ولی بیر آیری علت صبریمی تاراج ائدور
سنگ خارایه اثر ایلر بو شرح ناگوار
.
پیکر زهراده گوردوم تازیانه یرلری
قمچیِ دشمن وجودین ایلمیشدی زخمدار
.
بوردا وار بیر نکتۀ مبهم هامی مبهوت اولوب
مو کیمی باریک بیر مطلبدی چوخ اسراری وار
.
رتبۀ زهرانی فاش ایلر همین بو ماجرا
گورمیوب زهرا نظیرین بیرده گورمز روزگار
.
وار عقیدم محضر پیغمبر اکرمده هم
مرتضانین حفظ ائدر شخصیتین اُول با وقار
.
یعنی اظهار ایلمز قمچی ووروب دشمن منه
قولّاریمدا تازیانه نقشینین آثاری وار
.
قنفذ و ثانی جفاسین غصب ملکین سویلمز
محسنی سقط اولماقین کشف ائتمز اول عالی تبار
.
الغرض تکفینینی تمام ایتدی علی
بیرده بیر دنیا غم و نسگل اونون دفنینده وار
.
دفن ایدوب زهرانی اما آیریلانمور قبریدن
رشتۀ الفت کسنمور گوز یاشین ایلور نثار
.
سلب ایدوب دلدن بتولین فرقتی آرامینی
جام صبرین ایلیوب لبریز هجران نگار
.
اؤز الیله تاپشوروب تپراقلارا محبوبه سین
هانسی عاشقده اولور بو قوّه بو صبر و قرار
.
قلبی چوخ یاندی علینین چوخ پوزولدی آغلادی
ایستدی بیر نحویله بلکه سونه دلدن شرار
.
دوندروب یوز روضۀ پیغمبره عرض ایلدی
السّلام ای شاه یثرب ای رسول کردگار
.
گور نجه سندن صورا مظلوم ایدوب امت منی
اوز قیزین زهرانی ثانی ایلدی درده دچار
.
بس دگل بو ظلمیله یاندوردولار درگاهیمی
حقیمی غصب ایلدی ظلمیله قوم نابکار
.
روحینی قویدی بقیع ایچره قیتدی منزله
دوتماقا ماتم بتوله حجت پروردگار
.
گرچه بو محنت علینی ایلمیشدی دل ملول
داغ زهرا اول شهین ایتمیشدی قلبین داغدار
.
چوخ پوزوب احوالین اما اهل بیتین شیونی
گول کیمی گوردی اوشاقلاردا خزان آثاری وار
.
مجتبانین حالتی حالین پریشان ایلدی
گوردی افسرده عذاری دلده حزن بی شمار
.
کربلا مظلومینین گوردی گوزینده اشک آل
ذکر ایدر ایوای آنا آهی سالور قلبه شرار
.
بوینی چگنینده الی قوینوندا گوردی زینبی
چوخ پریشان حالیدور غمدن اولوب بی اختیار
.
آغلوری کلثوم سیل اشکینین طوفانی وار
گوزلری ابر بهاری ایلیوبدور شرمسار
.
شیر حقین حالینی چوخ پوزدی پوزقون حالیلر
مجمع غم اشکیله زهرا ائوینده قویدولار
.
دوتدولار زهرا عزاسین توکدیلر گوز یاشلارین
ویردیلر بیر سس سسه شوره گلوب آغلاشدیلار
.
بو عزا بو بزم غم بو ناله و داد و انین
بیر عزا بزمین ایدور عیناً گوزومده آشکار
.
کربلاده چون شهادت ختم اولوب یاندی خیام
غارته گیتدی جلال و بارگاه زرنگار
.
امر سجادیله آهولر حرمدن رم یدی
زینبه باشلاندی محشر سخت اولوب چوخ گیر و دار
.
آشیانسیز پر شکسته قیزلارین حالین گوروب
بیر یانان خیمه ایدوب برپا او کان شرم و عار
.
خیمیه کلثومی دربان ایلیوب اما اؤزی
چولدن اطفالی یغوب پژمرده پوزقون دل فگار
.
تا امانسیزلار امان تاپدی قاچانلار گلدیلر
زینبین اطرافینه جمع اولدولار خرد و کبار
.
شاهزاده قیزلار اولدی تپراق استه اشکریز
بانوان عزت اولی جور اعدائیله خوار
.
رشتۀ مطلب اوزاندی طول اولور «خوندل» دایان
فاطمه شام غریبانیندن اولما چوخ کنار
.
آغلا زهرایه حسینه ویر قسم ایتسون قبول
چون حسینیندور اوزی بی شک بو مشکل حل اولار
.
.
#فاطمیه_شهادت
#ئولدی_زهرا_مرتضی_اولدی_غمینده_سوگوار
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید