زبانحال حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
#سبک_اویان_ای_یار_وفاداریم_اویان #سبک_کربلا_قبله_عشقیمدی_منیم #سبک_کوفیان_گور_نجه_یاندردی_منی
مشابه
.
علیرضا عباسی (احسان تبریزی)
ئولورم یوخدی عمو دادرسیم
اوجالوب گور نئجه میداندا سسیم
لطف ائله گل باشیمون اوسته عمو
آز قالور سینه ده باتسون نفسیم
سال منی یاده عمو ..یئتیش امداده عمو
.
.
.
دئمورم سینه وی سن داغلیاسان
دئمورم سس چکه سن آغلیاسان
جان وئرنده دیورم سن گله سن
عموجان گوزلریمی باغلیاسان
سال منی یاده عمو…یئتیش امداده عمو
.
.
.
منه امداد ائلین یوخدی عمو
دوره ده خصم دنی چوخدی عمو
مست ائدیب شوق شهادت وورولان
بیلمیرم نیزه دی یا اوخدی عمو
سال منی یاده عمو . . یئتیش امداده عمو
.
.
.
سسلیرم دادیمه بلکه چاتاسان
منی حاشا عمو گوزدن آتاسان
چون یتیمم منه وار مرحمتون
یوخ آتام سن منه امّا آتاسان
سال منی یاده عمو ..یئتیش امداده عمو
.
.
.
دوره می ظلمیله بو لشگر آلوب
یاره لی صید کیمی دامه سالوب
چوخ چتین مرحلیه چاتدی ایشیم
پیکریم آتلار ایاقنده قالوب
سال منی یاده عمو ..یئتیش امداده عمو
.
.
.
#قاسمیه #علیرضا_عباسی
#قاسمیه_شهادت
#ئولورم_یوخدی_عمو_دادرسیم
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید