شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
#سیدحسن_حسینی_لیلابی
.
اؤرک تاپوبدی توان ذکر ائده مصائب زهرا
سرشک چشمینن اول صاحب مواهب زهرا
.
بو سوزده یوخدی خطا کلمۀ امامتدی
خانیمین ئولماقینین عاملی شهادتدی
.
وصیت ائتمیشیدی ای وطن غریبی علی
سنه فدادی بو جانیم بابام حبیبی علی
.
بهار عمریده گر من جهانی ترک ائدیرم
ولایت عهدینه خاطر جوان ئولوب گئدیرم
.
علی امام زمانسان سنه فدایم من
ولی اؤ ظلم ائدن اشخاصه نارضایم من
.
قاپیمی اودلادی اول نانجیب بی پروا
یوزیمه سیلی وؤروب ظلمیده ادیب غوغا
.
یانیق قاپیا تلاطم وئریب لگد وؤردی
فشار درده بالام محسنوم شهید اولدی
.
گئجه کفن ائله غسل ائت نمازی قیل پنهان
جهانه ظلم ستمگر اولونماسون کِتمان
.
علی گئجه یاریسی ائتدی مغسل آماده
بویوردی غسلدا هیچ کیمسه گلمسون داده
.
غریب دور بوخانم غسلودا غریب اولسون
مثال غنچه، خزان عُمرُونه نصیب اولسون
.
دییَر اِلاهَ قسم طاهر و مطهریدی
شبانه غسل اولونان گل، بتول اطهریدی
.
پیمبرین حنوطینان اونا حنوط ائتدیم
عروسه تازه لباس یا دییم کفن گَتدیم
.
یاراشمادی خانیما صبریمی الیمدن آلیب
جوان خانیم کفن ایچره هله یاراسی قالیب
.
نظر سالیبدی بویوردی یتیم بالالارینا
گلین باخین آنازا باخمیین یارالارینا
.
گورون آنازی دویونجان کی وقت فرقتدی
زمان وصل و ملاقات روز جنتدی
.
توکوردولر بالالار دیلده آه و حسرتینن
سرشک چشم روان توکدولر نظارتینن
.
(بیری دییردی آنا یوخسا دویموسان منن
بیری دییردی آنا من کی دویمارام سنن
.
بیری دییردی آنا گوز یاشیمی قان ایتمه
بیری دییردی آنا ترک ایدیب بیزی گتمه
.
بیری دییردی آنا باخ گوزومده گوز یاشیما
بیری دییردی آنا بیر الیوی چک باشیما
.
حسن دئدی اورگیم قان ائدن آنام لالای
گونوز اولوب گئجه قبره گئدن آنام لالای)
.
حسینه چاره کسیلمیشدی قوللارین آچدی
گوزونده اشک روان مادره طرف قاچدی
.
علی بویوردی منیم شاهدیمدی حق نَفَسی
اوجالدی فاطمَنون آسمانه ناله سسی
.
یارالی قوللارینی خارج ائتدی حسرتینن
حسینی سینَسینه چکدی چوخ محبتینن
.
ندا گلوبدی سماوات و عرش اعلادن
گوی اهلی آغلادیلار حال زار زهرادن
.
آیر آنانی بالادان یتیب لقاء الله
چاغیر حبیبین آدین لا اله الا الله
.
.
#فاطمیه_شهادت
#اؤرک_تاپوبدی_توان_ذکر_ائده_مصائب_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید