زبدةالاشعار

ائتموسن قارداش على مندن عیادت سن اگر #حضرت_صغری #شانی_تبریزی

زبانحال حضرت صغرا (س)
در هنگام وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم شانی تبریزی
.
ائتموسن قارداش على مندن عیادت سن اگر
لطفوه قربان ندن بس گیمیسن رخت سفر
.
.
من بیله بیر ساعتی هر ساعت و هر روز و شب
سجده ده حال دعاده حقدن ایلردیم طلب
وصلوی لطف ایتدی حق هجرانه نه اولدی سبب
آیریلیق طرحین چکوبدور یوخسا نقاش قدر
.
.
سن اولان یرده ملال اولماز بونا یوخدور سوزوم
شوقدن آغلار اودور وجهی بو شدّتله گوزوم
آغلادور وصلون منی گور هجره ممکندور دوزوم
هانسی باجی من کیمی قارداش فراقنده دوزر
.
.
اولموشام گر چه نه مدّتدور مریض و بستری
لیک لازم دور دوروم ایمدی یغوم بو بستری
اولماسون قلبون ملول ای صبح عزّت اختری
یتمه سون بلکه صفالی گوگلوه گرد کدر
.
.
یاتماقیم ترک ادبدور یوخ بونا جای کلام
لیک قالموب قدرتیم ای مظهر خیرالانام
تا دوریدیم خدمتونده ایلییدیم بیر قیام
باجی قارداش خدمتیله افتخار ایتمز مگر
.
.
هر قدر ناز اولسا سنده منده وار آرتوخ نیاز
بولمدیم بو لطف محضون ای خدیو دلنواز
خسته جانیله سنی یوخسا ایدردیم پیشواز
سو سپردیم اشکیله یاتسون غبار رهگذر
.
.
اشک چشممدن ملول اولما عزیزیم وجهی وار
دوزموشم زرفام عذاره دُرّ اشک شاهوار
مقدم شهزاده یه لازمدی اولسون دُر نثار
اشکدن آرتوخدی آیا هانسی بیر درّ و گهر
.
.
بیرده بو رنج و مرضدن ایتمرم اصلا گله
نیلورم حاذق طبیبه احتیاجیم یوخ گله
سن که گلدون گئتدی دردیم گلدی بهبودی اله
دردیم ئولدورمز منی قالسان یانیمدا سن اگر
.
.
من بو لطفه او گلن یولاریوا قربان اولوم
گل رضا اولما دچار محنت هجران اولوم
گئتمه قال تا خدمتونده هر زمان هر آن اولوم
ناخوش اولسامدانه سن اولسان عمریم خوش گچر
.
.
من بو فکریله علی دل تنگیدیم لیل و نهار
اهلبیت ایچره آناسیزلیق منی ایلوبدی خوار
نه باجی ایلر عیادت نه گلوب قارداش باخار
نه اولور جویا عمولار نه گلر بیر عمّه لر
.
.
ایمدی بُولدوم ائتموشم بوباره ده من اشتباه
اولمیوب کم لطف لیق سیزدن ولو بیر پرّ کاه
کسمیوب مندن توجّه اقربا شهزاده شاه
یانیمه بیر بیر گلور قوم و قبیلم سر بسر
.
.
ای قدی سرو چمن، زلفی سمن، رخساری گل
مظهر ختم رسل، صورت نمای عقل کل
محضر شاهه شرفیاب اولماقیم ممکن دگل
التفات ایلر منه اما او دیداره گلر
.
.
رنگ آلیمدن مبرهندی اگر چه حالتیم
گلسه شه دیداریمه آرتار ولیکن خجلتیم
شه قباقنده قیام خدمته یوخ قدرتیم
خدمت شاهی دوتوم شهزاده قزلار چوخ سُوَر
.
.
حسّ ایدنمز هر قدر اولسون بشر فکری دقیق
شخص بیمارون نه اندازه اولور قلبی رقیق
هر طریقیله اولا توفیق حق اولسا رفیق
«شأنی» صغرادن شفا آلماخ یولین یاخشى بولر
.
.
منکه چوخ سعی ایتمیشم بونوحه اولسون دلنشین
ناامید ایتمز منی صغرا علی اکبر یقین
دردیمه بولّم ویرور قطعی شفا جان آفرین
اوندا وار چشم امیدیم منده یوخ اوزگه نظر
.
.
دوزدی درد و غم مصیبت شخصی ایلر نیکبخت
اجر اولور آرتوخ نه اندازه مصیبت اولسا سخت
خشک اولور چون شاخ و برگ میوه دن عاری درخت
قورخورام تیغ اجل ایتسون منی بی شاخ و بر
.
.
سگز آیدی درد الیندن گؤلمیوب بیر آن یوزوم
سهلدور گولموب یوزوم آغلار گجه گوندوز گوزوم
ایل سوزین نیلوم دوتوم وار زحمت درده دوزوم
ایل سوزی نیلر اونی کیمدن سوروشماخ کیم بولر
.
.
.
#حضرت_صغری #شانی_تبریزی
#خروج_مدینه
#ائتموسن_قارداش_على_مندن_عیادت_سن_اگر
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایلیوب رحلت جهاندان رحمتاً لِلعالمین #پیامبراسلام_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی