زبدةالاشعار

ائدوبدی ربّ جهان لطف بی کران ننیه #مادر_علیوی

#مهربان ننه
(ماجرای جوانی که مادرش را در بیابان رها کرد تا طعمه درندگان شود)
.
✍️ #زبدةالاشعار✍️
.
🆔: @nohe_torki
.
عُلیَوی
.
ائدوبدی ربّ جهان لطف بی کران ننیه
وئروب محبتی خلاق لامکان ننیه
.
ئوزون سالار اوتا اوتدان بالالارین قوتارا
بالا داریخسا اگر،تنگ اولار جهان ننیه
.
ننه قوجالدیقیجان فخر ائدر اوشاق اوجالور
اوشاق چاتاندا بهاره یِتر خزان ننیه
.
آتائیله آنا بیر مهربان فرشته دیلر
محبت ایله آتائیله مهربان ننیه
.
نقدری وار نفسون خدمت ایله زندگیده
او پهلوان آتائیلان بو قهرمان ننیه
.
اماندی قلبینی سیندیرما بو فرشته لرین
همیشه خدمت ائله غملری نهان ننیه
.
زمان حضرت موسی یازولا بیر غافل
خیانت ایلدی بیر چشمی خونفشان ننیه
.
گوروب آناسی قوجالمیش ولی اجل گلمور
دئدی ئوزوم ائدرم چاره بی گمان،ننیه
.
آلوب دالیما آپارّام گجه بیابانه
کچوبدی سِنّی نه لازم بو دودمان ننیه
.
بو فکریلن باشا وئردی او گون غرض گونونی
گجه زمانی ائدوب نقشه سین بیان ننیه
.
آلوب دالینا آپاردی اونی بیابانه
درنده لر ائده لر حمله باغریقان ننیه
.
ننه نی قویدی او چولده دئدی خلاص اولدوم
او بی وفا بالا هئچ وئرمدی امان ننیه
.
دیولّه حضرت موسایه سس گلوب او زمان
فلان مکانیده گت قیل نظر همان ننیه
.
گلوبدی حضرت موسی توکوبدی گوزیاشین
باخاندا دقتیلن قامتی کمان ننیه
.
گوروبدی اللرینی قوزیوب دیور یارب
ئوزون عنایت ائله سینه سی یانان ننیه
.
بالامی منزله سالم یتیر کریم آلله
اونی سلامت ائله ویر ولی زیان ننیه
.
باشینّان آز اولا گر بیر توکی ائویم یخیلار
ترحّم ایله بو گوزیاشلاری روان ننیه
.
منیم که گوزلییَنیم یوخ اونون ولی واردی
بلادن حفظ ائله رحم ایله ناگران ننیه
.
بلی اوشاقدا آنادن دویا، آنا دویماز
اماندی حرمت ائله دائم ای جوان ننیه
.

متن پیشنهادی:  قادر الله ، عشقی ئورگتدی ، تبی خلق ائیله دی #زینبیه_امانی_اردبیلی

#ائدوبدی_رب_جهان_لطف_بی_کران_ننیه
#ترکی
.
✍️ #زبدةالاشعار✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی