حالات شب بیست و یکم
#گریز به زبانحال حضرت رقیه در #قتلگاه
✍️ زبدة الاشعار ✍️
?: @nohe_torki
حاج یوسف معزّی اردبیلی
ائلیکه اولدی شب بیست و یکم رمضان
شهید اولوبدور علی قطب عالم امکان
اولده زینب علیائیدی دیین بابا وای
جوان ئولن ننمون قاره سین گیین باباوای
ننم ئولندن هاچان گل یوزون مگر گولدی
اورکده دردینی ئیللر بویی چکن بابا وای
ننم مزاره گئدندن آچیلمیوب ئورگون
پوزان جمالینی هر دوره ده محن بابا وای
باشیندا زهریلی خنجر یاراسی توخدامیان
وئرنده جان الینی قدسیان ئوپن باباوای
شجاعتینده آچان خصمه شیر تک پنجه
عبادتینده ولی دیزلری اسن باباوای
خلافتونده اولوبسان عدالته قربان
وفا محافلینه ماه انجمن بابا وای
ائوینده اوخشادی زینب ئولن گونی باباسین
دئدی گِلیمیده محزون ائوه گلن باباوای
رقیه قورخولی چولده یارالی نعش اوسته
دئدی یانا یانا الده سوسوز ئولن باباوای
باشون کسیلدی بدندن کیمه قوناق گئتدون
سو وئرمیوب باشینی قاتلی کسن باباوای
محبتین گولونی اوخلار ایلیوب پرپر
گون اورتادان بدنی گورمین کفن باباوای
سینونده اوخلاری دردیم یارووا یوز قویدوم
آدیمی مقتل آراسیندا سسلین باباوای
یوزیمی سیلی گوگردوبدی گوزلروندن ایراق
منیم سولان یوزومی دمبدم ئوپن باباوای
گینه دانیش ئورگیم ایستیور دانشماقوی
منه قوجاقیده ائوده دیل اورگدن باباوای
جوان بالاسی خیامه عبانون ایچره گلن
الینده صود امری اوچ پر اوخ امن باباوای
ئولنده گزدی گوزون نامدار ابوالفضلی
سو اوسته قارداشینون قوللاری دوشن باباوای
یورولموشام قوناقام گلمیشم امید ائووه
اولوب رقیوه میداندا سرسخن باباوای
بو داشلاری که قالانمیش اگر ویرولسا سنه
دیوم سپاه دغا سنگسار ائدن باباوای
همان قوشون داغیدوب آشیانیمی صیاد
قوجاقوه سخیلوب هی دیم که من باباوای
ویروبدی سیلی منه شمر دون الی قوروسون
بویوک ننم کیمیَم سرور زمن باباوای
دعا ائله قوتارا عمریم ئوز حضورونده
منی تمام قیزیندان چوخ ایستین باباوای
«معزّی»طبع روان خالقین عنایتیدی
اگر نصیبی اولا شاعرون سعادتیدی
#حیدریه_شهادت #حیدریه
#ائلیکه_اولدی_شب_بیست_و_یکم_رمضان
#معزی_اردبیلی
#ترکی
✍️ #زبدةالاشعار ✍️
?: @nohe_torki
نظر دهید