زبدةالاشعار

ائلیکه دوندی خزانه بهاری فاطمه نون #فاطمیه_سیفی_اردبیلی

شام غریبان حضرت زهرا (س)
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
ائلیکه دوندی خزانه بهاری فاطمه نون
تاپوبدی خاتمه غم روزگاری فاطمه نون
.
آخوب سوزولدی پیمبر ئوپن قرا گوزلر
یومولدی دیده ی دائم خماری فاطمه نون
.
وئروب حسین و حسن مرتضایه غم خبرین
بابا یوبانما گئدوبدور قراری فاطمه نون
.
ائدوبدی شیر خدا فوری مسجدون ترکین
پوزولدی همسر والاتباری فاطمه نون
.
یول اوسته منزله جَن اوچ یول اگلشوب دوردی
ائویمی یخدی دئدی انکساری فاطمه نون
.
نجه گلوب نجه گوردی جوان ئولن خانمی
بو سرّی بیلدی فقط کردگاری فاطمه نون
.
نه نوعی غسلینی وئردی گنجیله یوخدی سؤزوم
چتین غمی سایلار آری آری فاطمه نون
.
باشیندان آچدی ائلیکه اونون قرا لئچگین
مه اولدی عرشیده آئینه داری فاطمه نون
.
سپیلدی تئز آغاران زلفلری سولان یوزینه
بیلَندی محنت یک در هزاری فاطمه نون
.
بتولون آلننا اوّل سوئی توکنده علی
گل اؤزدن اولدی کنار استتاری فاطمه نون
.
آیون ایشقی دوشوب زُهره نون سولان یوزینه
گوروندی سیلی گوگردن عذاری فاطمه نون
.
اونی گورنده علی غسلدن الین چکدی
دیدی نه گیزلینیمش دیلده ناری فاطمه نون
.
الین ووروب الینه وای بو روزگاره دئدی
کیمون الینده سنوب گور عیاری فاطمه نون
.
غرض اولوب سپری حیدره بلا گئجه سی
یتشدی مقصده پوزقون قطاری فاطمه نون
.
سؤزین اورکده آپاردی ئوزیله قبر ائوینه
آچیلمادی سَرِ اسرار کاری فاطمه نون
.
بو غصه هر نَدَن آرتوق علینی یاندیردی
اولوبدی جبریله گزلین مزاری فاطمه نون
.
فلک بوکوب قره توپراقلارا جوان گلینی
قالوبدی دورت قره گوز یادگاری فاطمه نون
.
زماندا تئز دولاناردی بتولون عمری کیمی
یتیشدی شام غریبان تاری فاطمه نون
.
وروبدی حلقه ی غم دورت ملر اوشاق بیر آتا
اولوبلا غمکش و شب زنده داری فاطمه نون
.
على سؤز آچدی ئوزی زینبه بویوردی قیزیم
سن اوخشا فاطمه نی ای بهاری فاطمه نون
.
دئدی بابا دایانون باغلی بوقچاسین گتوروم
باخاق گورک نه قالوب یادگاری فاطمه نون
.
گتوردی بوقچانی زینب ئوزی آچوب بندین
آچیلدی یا جگر داغداری فاطمه نون
.
هاموسی حیرتیلن ناظریدی کیف و کمه
گورو بله زینب زیبا شعاری فاطمه نون
.
چیخارتدی بوقچادان اوّلده قانلی بیر کوینک
نه قان نشان دل زخمداری فاطمه نون
.
او قانلی کوینگی حسرتله باغرینا باسدی
دئدی نه تیره یازیمش مداری فاطمه نون
.
ننمون عطری گلور سویلدی بو کوینکدن
گوزوم قالوب قاپیدا انتظاری فاطمه نون
.
گوروب بو حالی گُتوردی عمامه سین اوچ امام
بورؤدی قلبلری غم شراری فاطمه نون
.
دل آچدی زینب محزون دئدی که صبر ائلیون
هله بو بوقچادا وار گوشواری فاطمه نون
.
بیریسی سیلی دگنده سینوب قولاقینده
گورون نقدری سنوب اعتباری فاطمه نون
.
بو سؤز علینون ائله لرزه سالدی پیکرینه
قالانمادی داخی منزلده یاری فاطمه نون
.
علی گئدوب بالالار قالدیلار قرانلقدا
دل آچدی اوخشامیا دورت هزاری فاطمه نون
.
.
بیری دیردی اولان غملره نشان آناوای
بیری دیردی یاتان قبریده جوان آناوای
.
بیری دیردی اور کده دُؤگونه نَن دردی
ئولنجه غملرینه چاره تاپمیان آناوای
.
بیری دیردی قرا بخت اولان جوانلقدا
شرار محنتیله قامتی کمان آناوای
.
هامیدان اوخشاماسی سوزناک زینبدی
دیردی آز یاشیوب جانه چوخ دویان آناوای
.
گئچن گئجه أَول آخشام تلیمی سن دارادون
بو گئجه قاره سالوب باشیمه زمان آناوای
.
چراغی یاتمیان اقبال ائوینده گوز دولوسی
سپهر نازیده تئز اولدوزی باتان آناوای
.
گوزوم یانان قاپیا چوخ باخان گوزه قربان
گل ائتدی زینبووی غصّه نیمه جان آناوای
.
آنا نه تئز قره تپراقلار آلدی آغ یوزوی
یارالی قوش تک ائدن ترک آشیان آناوای
.
ائونده دورت گل نازی بجرتدون ایگلمدون
چمن عشق و امیدی ایاقلانان آناوای
.
آدون گلنده باخار گوزلریم یاتان یروه
دیرم آخ اوره گی ظلم الینده قان آناوای
.
یازاندا «سیفی» سنون نوحه وی جگر داغلی
دیر الینده قلم سینه ده فغان آناوای
.
.
#فاطمیه_سیفی_اردبیلی
#فاطمیه_شهادت
#ائلیکه_دوندی_خزانه_بهاری_فاطمه_نون
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  تا باغلانوبدی بار بلا گوزلرم سنی #دخیل

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی