در مدح و شهادت حضرت علی (ع)
.
✍️ زبدة الاشعار ✍️
.
🆔: @nohe_torki
.
محمد علی مصیبی تبریزی
.
اثبات اولوبدی هر ئورگین کی ولاسی وار
هر ذرّۀ ولایتینه ابتلاسی وار
.
جانلار فدا اولوبدی ولایت بها تاپا
گوزلرچیخوبدی چون کی ولادن ضیاسی وار
.
محرابیلرده باش یاریلوب دین حقّ ایچون
مقتلده سینه لر چاپیلوب ماجراسی وار
.
بس فرقه انشعاب آلوب اسلام نابیدن
تنها تشیّعون شرف و اعتلاسی وار
.
فکر ایلیسن صفای دل شیعه دور نه دن؟
چون سینه سینده عشق ِعلی نین بناسی وار
.
اقرار ائدوبدی کیمسه علی نین ولاسینه
عالی مدارجه یتیشوب مرحباسی وار
.
چوخلار قویوبدی باشینه تاج قداستی
تنها باشیندا شیعه دی تاج طلاسی وار
.
کیم دور علی ؟ ئورکده کی مرآت حق نما
وجه خدایه مظهر اولوب حق نماسی وار
.
چرخ فلک ده خسرو گردون مدار اولوب
برج ولا اونون کیمی شمسُ الضُّحاسی وار
.
دوشسه علی محبّتی هر سینیه اگر
یانماز جهنّمین اودونا خوش جزاسی وار
.
چوخلار جسارت ائتدی علی نین مقامینه
فکر ائتمه هر رذیله اونون اعتناسی وار
.
آب دهان آتوب یوزونه ابن عَبدُوَد
ال ساخلیوبدی سانما ایشینده ریاسی وار
.
حیدر غروری سینسادا ناحق قلج لاماز
شمشیر آتار او یرده کی الله رضاسی وار
.
حیدردی خیبرین قاپوسین فتح ائدوب آچان
خیبر یاتار او یرده کی حیدر نداسی وار
.
آیا روادی شیعه دوشه درد و محنته
بیریرده کی علی کیمی مشکل گشاسی وار؟
.
آیا روادی سینه سی آماج درد اولا
بیر کس کی سینه ده شرر مرتضاسی وار؟
.
خیبر ییخان مشکل آچوب دردلری ییخار
هر چاره سیز درد اولا والله دواسی وار
.
دردلر دواسی لیک قالوب چاره سیز ئوزی
بیر نئچه یرده ؛ بو سوزومین اقتباسی وار
.
هاردا ؟ او یرده کی قاپوسین یاندیریبدیلار
تحت فشار او بابیده خیرالنّساسی وار
.
سقط اولدی محسنی یقه سی دوشدی اللره
باغلاندی قوللاری رسنه چون حیاسی وار
.
بیر نئچه ناکیشی سوریوب کنز عزتی
بیعت بهانه سینده جفا ماجراسی وار
.
بیرده اوگون کی سجده ده مزدور نهروان
ضربت وروب اوباشه کی وصلت هواسی وار
.
باش پارچالاندی آخدی عدالت ستاره سی
فکر ائتمه عالمین داهی بَدرُالدُّجیٰ سی وار
.
مولا دوشوبدی بستره حالدان حالا قالوب
زهر ایلیوب اثر نه توان و قواسی وار
.
شمع صفاسی آز قالوری تا سونوب گئچه
معراج عشقه چاتماقا خوشپَر هُماسی وار
.
پروانه تک شمع اودونا زینبی یانور
هر دم دیور بابا قیزیوین التجاسی وار
.
باشینده کی یاران گتوروب درده زینبی
هرچند دیلده فُزتُ و ربّک نواسی وار
.
آخر مگر علی دگوسن چاره قیل ئوزون
عالمده هرنه درد اولا سندن دواسی وار
.
تک قویما زینبی بو قرانلیق دیاریده
ویرانه کوفه ده قیزیوین غم سراسی وار
.
یوز دوتدی زینبه شرف عالم وجود
سویلوب قیزیم بوگوزیاشیوین چوخ بهاسی وار
.
امّا چوخ آغلاما باباوین باش یاراسینه
ساخلاسرشک چشمیوی بیرغم مناسی وار
.
اوست ئورتولی دیوم سنه بومطلبی گئچیم
وار بیر بلا چولی باشیوین مین بلاسی وار
.
بیرباش بلا چولونده چیخار نیزه باشینه
تنها او باشدا اون ایکی خنجر یاراسی وار
.
تندن او باشی تشنه جدا ایلیر عدو
کوثر بالاسی تشنه وئره جان، رضاسی وار
.
نوک جداده قانلی باشا داش ورار او گون
بیر فرقه ای که دیلده شرف ادّعاسی وار
.
واربیرعمودیلن بولونن آیری باش قیزیم
نهرین یانیندا منظرۀ غم فزاسی وار
.
سقادی هنگ عشقه ولی تشنه جان وئرر
اوجوندا سو، ایچمز حسین دن حیاسی وار
.
زینب! نه لردیوم سنه اول دشت خونیدن
بیرچول کی صود امرین ده سووا التجاسی وار
.
اوچ شعبه اوخلا بوینونی تندن ئوزرعدو
باخمازلا تشنه دور دیلی یوخ آه وواسی وار
.
حتی او خوردا باش دا اولار نیزیه سوار
بیلمزله قانلی باشینه حسرت آناسی وار
.
زینب چوخ آغلاما آتاوین ماجراسینه
بیر باشه آغلا شامیده آه و عَناسی وار
.
قانلی دوداقینه وورولار خیزران قیزیم
بیر کیمسه باخماز حسرت اونا اقرباسی وار
.
مجنون اولار حسینیمون عشقینده شیعه لر
قانلی مزارینه هامی قلبین هواسی وار
.
آچسان«مصیّبین»سینه سین فاش اولاراونون
ایللردی سینه ده هوس کربلاسی وار
.
.
#حیدریه_مدح
#حیدریه_شهادت
#اثبات_اولوبدی_هر_ئورگین_کی_ولاسی_وار
#ترکی
.
✍️ #زبدةالاشعار ✍️
.
🆔: @nohe_torki
نظر دهید