یا مهدی
.
.
✍️ زبدة الاشعار ✍️
?: @nohe_torki
.
هدایت تبریزی
.
.
احسن احسن قامت بالایه عشق اولسون آقا
ماخلق حیران قالان سیمایه عشق اولسون آقا
دست قدرت ایلیوب پیرایه عشق اولسون آقا
سالمسان عاشق لری غوغایه عشق اولسون آقا
عترت پیغمبره سرمایه ، عشق اولسون آقا
بنذرین وار مو به مو طاهایه عشق اولسون آقا
.
.
دست قدرت نقشوی طرح ایلیوب زیبا چکیب
گوزلرین ده غرق ایده عاشق لری دریا چکیب
حکمتندن صورتون عالی گوروب اعلا چکیب
لبلرینده مست ایده شیدالری ، صهبا چکیب
قامتنده نقش اولان طوبایه عشق اولسون آقا
بنذرین وار مو به مو طاهایه عشق اولسون آقا
.
.
قدسیان تقدیسوین مبهوتی تحلیلنده مات
حسنوون سرگشته و سرمستی جمله کائنات
آسمان لاجورد و یر تاپوب سندن ثبات
لطفوی قطع ایله سن برهم اولار نظم کرات
سایهٔ لطفون دوشوب دنیایه عشق اولسون آقا
بنذرین وار مو به مو طاهایه عشق اولسون آقا
.
.
شهریار ملک ایمانسان گل اهل کسا
کعبهٔ دل سن ، صفای کعبه و حلّ و صفا
مقدمنده هر قرم بیر فدیه ذبح ایلر منا
ایل به ایل حسرت چکر گورسون سنی غار حرا
سن گزن سرمنزل و مأوایه عشق اولسون آقا
بنذرین وار مو به مو طاهایه عشق اولسون آقا
.
.
سرفراز اولدی سنه کیم تاپدی ال ، ای سرفراز
گل جمالون گورماقا عشّاق ایدیر نذر و نیاز
کاش اولیدی مه جمالون پرده سی بیر لحظه باز
گون کیمی نورین سالیدی دهره مهر دلنواز
مات اولیدوخ آیت کبرایه عشق اولسون آقا
بنذرین وار مو به مو طاهایه عشق اولسون آقا
.
.
شأنوی درک ایلینمز عقل و اوهان و خیال
تاج سرسن عالمه ای هیکل حسن و جمال
خوش کلام و خوش مرام و خوش خرام وخوش خصال
سنده اکماله چاتیب هر جنبه دن فضل و کمال
صورت عالی ، سیرت اعلایه عشق اولسون آقا
بنذرین وار مو به مو طاهایه عشق اولسون آقا
.
.
قدسیان فرمانبرون دور ایلور امرون امتثال
کائنات هر لحظه لطفوندن اولور نیل نوال
دشمنین قلبنده وار نار حسددن اشتعال
شعله وردی بد خیال و بد کلال و بد سگال
نار دشمن سوز و درد افزایه عشق اولسون آقا
بنذرین وار مو به مو طاهایه عشق اولسون آقا
.
.
تاج عزّتله مکلّل ، ملک دینه شهریار
هیکل شأن و شرافت ، مظهر حلم و وقار
افتخار ماخلق آل عبایه اعتبار
صبری دریا ، قدری اعلا ، قدّی طوبیٰ ، استوار
دیدهٔ حق بین و حق پالایه عشق اولسون آقا
بنذرین وار مو به مو طاهایه عشق اولسون آقا
.
.
محرم اسرار عالم ممکناتین رهبری
واله سیماسی انس و جنّ و حورا و پری
سینه سی دُرج محبّت ، دُرج خلقت گوهری
چرخهٔ عشق و ولاده چرخ عزّت محوری
جام لعلنده اولان مینایه عشق اولسون آقا
بنذرین وار مو به مو طاهایه عشق اولسون آقا
.
.
جامهٔ تقوا بیچیب خیّاط او موزون هیکله
کیمدی عزّتده شرافت ده سنه همتا گله
گلمیوبدی روزگاره مثل و مانندین هله
رؤیتین ممکون دگول دل کور و دیده احوله
مه جمالون درک ایدن بینایه عشق اولسون آقا
بنذرین وار مو به مو طاهایه عشق اولسون آقا
.
.
حسنووه دنیا تماشا ایلسه احسن دئیر
گل جمالون کیمسه رؤیا ایلسه احسن دئیر
صورتون رؤیت زلیخا ایلسه احسن دئیر
دقّت اندامونده طوبا ایلسه احسن دئیر
احسن احسن ، حسن بی همتایه عشق اولسون آقا
بنذرین وار مو به مو طاهایه عشق اولسون آقا
.
.
یوز گوزل ، قامت قیامت ، عرش و فرشین لنگری
چرخهٔ عشقنده زنجیره چکن شیدالری
لعلینه حسرت قویان تسنیم و آب کوثری
طاق ابروسی چکن محراب عشقه کافری
حسنووه تعظیم ایدن ترسایه عشق اولسون آقا
بنذرین وار مو به مو طاهایه عشق اولسون آقا
.
.
جنّتین طاووسی سن ، زیبالرین زیبالری
دست وین اعجازی حیرتده قویوب موسالری
زنده دور عالم دمیندن مات ایدوب عیسالری
کوی و برزنده گزن بی مدّعا شیدالری
عشق اولا، بی مدّعا شیدایه عشق اولسون آقا
بنذرین وار مو به مو طاهایه عشق اولسون آقا
.
.
ابر رحمت دور توکور باران رحمت خلقته
اشرف انساندی بذل ایلوب شرافت خلقته
زینت عالم ویریب معناده زینت خلقته
یمنونه احسان اولور هر گونه نعمت خلقته
اعتبار و عزّت والایه عشق اولسون آقا
بنذرین وار مو به مو طاهایه عشق اولسون آقا
.
#مهدیه
#احسن_احسن_قامت_بالایه_عشق_اولسون_آقا
#هدایت_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید