زبدةالاشعار

احسن سنه ای حیرته دنیانی سالان قول #عباسیه_نادری

تندن قلم اولان قوللارا خطاب …
.
✍️زبدةالاشعار✍️

?: @nohe_torki
.
مرحوم قدرت اله نادری میانجی
.
احسن سنه ای حیرته دنیانی سالان قول
هر قولدان اوجا جنگده عرشه اوجالان قول
.
.
احسن سنون اقبالیوه ای شهر مدینه
احسن بو قولی بسلین اول ام بنینه
احسن سنون اول دوشدوگون علقمده زمینه
تپراقی تبرکّدی ئوزی قبلۀ حاجت
خوشبختدی هرکس او یری ائتسه زیارت
.
.
احسن بو قولا سایه حسین باشینه سالدی
دین پرچمنی دشت بلاده اله آلدی
بیر قولدی ئوزی دوشدی یره پرچمی قالدی
بیر مشک سو اوستونده ئوزون تپراقا آتدی
ارزان ساتیلیب لیک آغیر قیمته چاتدی
.
.
احسن بو قولا صحبتی دیلدن دیله دوشدی
قول دوشدی قولون صاحبی الدن اله دوشدی
قول دوشدی علم دوشدی حسین مشکله دوشدی
دورت یرده امام اوپدی علمدار قولوندان
افضلدی بو قول جعفر طیار قولوندان
.
.
اولجاق متولد سنی خاک وطن اوپدی
ای قول سنی مولا او امیر زمن اوپدی
اکبادی اولان پاره امام حسن اوپدی
علقمده حسین اوپدی سنون قیدیوه قالدی
اوّل سنی اوپدی صورا آغوشینه آلدی
.
.
اخیمده سنی نالۀ فریاد اوپوب ای قول
دشمنده اولان خنجر فولاد اوپوب ای قول
آخرده سنی سید سجاد اوپوب ای قول
تاپشوردی ترابه سنی چوخ آغلادی سجاد
فرمایش ائدوب ام بنینه ائوین آباد
.
.
ای قول واریمیش سنده نه اندازه صلابت
تا سن واریدون اولمادی دشمنده جسارت
دوشجک یره سن خیمه گهی ائتدیله غارت
سن حامیِ دین ، پرچم اسلامیدون ای قول
اثبات ائلدون حافظ اخیامیدون ای قول
.
.
تعریف اودی کرّات اونی توصیف ائده دشمن
صفّینده همین قوللارا دشمن دئدی احسن
تا سن واریدون قالدی علی قزلاری ایمن
گردابه دوشن کسلری آزاد ایلین قول
قربان سنه ای لیلیه امداد ائدن ای قول
.
.
همتا سنه هیچ خضرله الیاس اولا بیلمز
سقا چوخ اولار صاحب احساس اولا بیلمز
الیاس گلوب حضرت عبّاس اولا بیلمز
خضرین ایچه سن آب حیاتینده بقا وار
یوخ اوندا اوزون قول بو اوزون قولدا سخا وار
.
.
احسن سنه ای حیدر کرّار نشانی
ای شهپر عنقای زمان یوسف ثانی
حیرتده قویوبسان هر ایکی اهل جهانی
دنیاده بیزه کان کرامتدی بو قوللار
محشر گونی اسباب شفاعتدی بو قوللار
.
.
آگهدی جماعت سنون اصل و نسبوندن
تیترردی قوشون رزمده قهر و غضبوندن
حیراندی جهان اهلی، او فضل ادبوندن
سن ووردون او گون نهر فرات اوستنه پرچم
اصغر بو سودان ایچمَسه اوّل، دئدون ایچمم
.
.
سست اولمادون عالمده ز بس دشمنه ای قول
خدمت ایلدون دین شهِ ذوالمنه ای قول
دین خادمی سن عمریوی قربان سنه ای قول
الله یولونون فدیۀ پر قیمتی سن سن
زهراده بیلور کر و بلا زینتی سن سن
.
.
دشمن سنی قطع ایلدی گر ظلمله تندن
باش شامه گئدوب قولدا دوشوب آیری بدندن
بااین همه چوخ مطلب آلان وار گئنه سندن
دینه شرفه حرمت قرآنه فداسن
ای قول اودی کی هر مرض و درده دواسن
.
.
یثربده آنان قالدی تیکوب گوز یولا صغرا
اخیمده یولون گوزلَه دی چوخ زینب کبرا
مقتلده سنه ناله ائدوب آغلادی زهرا
ای قول سنی حق برجینون اولوزلاری گوزلر
جام الده دوروب تشنه حسین قیزلاری گوزلر
.
.
غم محضرینون «نادری» سر دفتریم من
هر فصل عزا گلشنینون نوبریم من
شاه شهدا نوکرینون نوکریم من
بیر عاشق شوریدۀ گلزار حسینم
فخریم بودی که شاعر دربار حسینم
.
.
#عباسیه_مدح
#عباسیه_شهادت
#احسن_سنه_ای_حیرته_دنیانی_سالان_قول
#نادری
#ترکی
.
✍️ #زبدةالاشعار ✍️

متن پیشنهادی:  اُفتاده هستم یا علی #حیدریه_رونقی_مازندرانی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی