اذن جهاد آلوبدی میر یگانه عباس #عباسیه_نادری

شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی … 10 سبک
.
مرحوم نادری میانجی
.
اذن جهاد آلوبدی میر یگانه عباس
سمت فراته ساری اولدی روانه عباس
.
.
یوخدور قوشون یانوندا یالقوز قالوبدی سردار
چگنینده وار سو مشگی الده علم علمدار
بو سهم صولتیله جنگه گیدور سپهدار
گوستر مگه شجاعت اول کوفیانه عباس
.
.
سوت خطر وروبدی سعد اولدی اشقیایه
عباس نامداری تا آلسولار آرایه
شیر خدا بالاسی قولار گیدوب هوایه
شمشیری چکدی دوندی شیر ژیانه عباس
.
.
باشسیز بدن توکولدی قانیله دولدی میدان
آخدی فراته ساری یولاندی قرمزی قان
طاقت گتور میوبدی قاچدی سپاه عدوان
گیردی فراته باخدی بیر یانه یانه عباس
.
.
فرمایش ایتدی ای سو نهر فرات اولوبسان
شمر ستم شعاره آب حیات اولوبسان
علت نه دور بیزه چوخ کم التفات اولوبسان ؟
سندن گلوب آپارسون سو میهمانه عباس
.
.
باعث نه دور یزیده بو چولده رام اولوبسان
ابن زیاده شمره سن هم مرام اولوبسان
علت نه دور حسینه ایندی حرام اولوبسان ؟
واردور یری سو اوسته غرق اولسا قانه عباس
.
.
سیراب اولوب بو چولده سندن طیور حیوان
آیا روادی قالسون زهرا عیالی عطشان
ام البنین ویروبدور اوغلون حسینه قربان
حاضردی کربلا ده بو امتحانه عباس
.
.
گور سوزشی عطشدن یوخدور اوزومده طاقت
سن آخ بودشته ساری قوی من چکیم خجالت
بیر قطره سودان اوتری بر پا اولوب قیامت
چیخمیش عطش صداسی گور آسمانه عباس
.
.
سوز ویرمشم گلنده گوزلر یولوم سکینه
یا سو خیامه گیتسون یا قول دوشه زمینه
یاز نادری فدایم چوخدان بو شاه دینه
مینلرجه یوز قویوب لار بو آستانه عباس
.
.
#عباسیه_شهادت
#اذن_جهاد_آلوبدی_میر_یگانه_عباس
#ترکی
.
✍️ #زبدةالاشعار ✍️
.
🆔: @nohe_torki