زبدةالاشعار

اذن وئر فاطمه جان هادم لذّات گلوب #پیامبراسلام_صاحبزمانی

در شهادت حضرت خاتم الانبیا (ص)
#گریز به #مجلس_ابن_زیاد
.
✍️ زبدة الاشعار ✍️
.
🆔: @nohe_torki
.
.
مرحوم سید موسی موسوی صاحبزمانی (سید)
.
اذن وئر فاطمه جان هادم لذّات گلوب
پیک فرخنده پی قاضی حاجات گلوب
.
.
اولما مانع ملک الموته که من گئتمه لیم
دهردن اینجیمیشم قرب حقه یتمه لیم
قورتولوب عمر، فنا ملکنی ترک ائتمه لیم
صبر ائدون آغلاماقا سیزلره اوقات گلوب
.
.
بو قدَر آغلاما مندن صورا آغلارسان اؤزون
آتش آهویلن سینه وی داغلارسان اؤزون
اود وورالّار قاپووا اوندا که باغلارسان اؤزون
اولاجاقسان منه ملحق سنه مَنعات گلوب
.
.
جان وئرن وقته گئنه امّتیمی یاد ائدرم
تلخ دور مرگ اولارون حالینه امداد ائدرم
یاده سالدوقجا سنون حالیوی فریاد ائدرم
گورورم پشت دره سن کیمی مشکاة گلوب
.
.
سندیرور شیشه کیمی قلبوی ثانی او زمان
محسنون سقط اولاجاق صبر ایله هر ظلمه دایان
سن غروب ایله سن اما قالور عالمده نشان
شرع بابینده بیزه هر قَدَر آیات گلوب
.
.
ذات پیغمبره تا رجعت ایچون یتدی ندا
روح عالم بدنیندن اولونوب روح جدا
دولدوروب یثربی فریاد و نوائیله صدا
درگه رحمته گوز یاشلاری مزجاة گلوب
.
.
غسلنی وئردی علی ایلدی گول جسمه کفن
آیریلوب اهل ضلالت قالوب اوچ گون او بدن
قوردولار بزم ثقیفه دوتوب آفاقی محن
نور حق اوستونه اوچ پردۀ ظلمات گلوب
.
.
ثانی عثمان و ابابکریله شور ایلدیلر
مجلس شورده رأی آلماقا غور ایلدیلر
مرتضی چون یوخیدی حقّنه جور ایلدیلر
حق دانان ظلم ائده نون حقّنه لعنات گلوب
.
.
گِئتدی پیغمبر علی حقّنی غصب ایلدیلر
حق یرینده نجه ناحقلری نصب ایلدیلر
ستم اهلی ستم بدعتی کسب ایلدیلر
یوز قویوب دین ائوینه فرقۀ فترات گلوب
.
.
اود ووروبلار قاپویا داندیلار ارث آیه سینی
فدکی غصب ایلیوب یخدیلا دین پایه سینی
چوخ گوروبلر قزینا بیر آغاجون سایه سینی
گوره سن عالمه ثانی کیمی مقسات گلوب
.
.
اود دوتوب یاندی قاپی ثانی لگد کوب ایلدی
دختر صاحب قرآنی او مکبوب ایلدی
شیر حق ووردی یره ظالمی منکوب ایلدی
بویوروب امر منه صبر ایله اسکات گلوب
.
.
قورتولوب شیرون الیندن او لعین جرأت ایدوب
گوردی شمشیر علی چکمیه جاق سرعت ایدوب
شیر حق دوتماقا روباه صفت فرصت ایدوب
بیر جماعت اونون امدادینه مرفات گلوب
.
.
او امیری که اونا تابعیدی امر قضا
اولدی تسلیم ، قضا و قدَره وئردی رضا
حکمتاً دینمدی اعدایه وسیع اولدی فضا
دستگیر اولماقی دشمنلره مرضات گلوب
.
.
او امامی که وئروب دهرده هر درده شفا
بُلمورم سرّی ندور وئرمدی اوچ درده دوا
ووردولار فاطمه نون سندی قولی اهل جفا
گوردی زهرا بیر الی بئلده مُثنّاة گلوب
.
.
محسنین سقط ایلیوب چکدی چوخ آزار بتول
گلدی دردین ائده اظهار اولوب قلبی ملول
ووردولار قمچی قولوندان یخلوب بنت رسول
نازنین بیر بدنه گورنه مصیبات گلوب
.
.
دختر ختم رُسُل دوردی نه چوخ زحمتیلن
مسجده بُلدی گئدوبدور علی جبریَّتیلن
سورونوب گِئتدی دالنجا یتشوب سرعتیلن
گوردولر شیونیلن بانوی جنّات گلوب
.
.
ال آتوب معجرینه ایستدی نفرین ایلیه
اوجالاندی در و دیوار گلوب زلزلیه
عرض ائدوب عجزیله سلمان او دم فاطمیه
ائتمه نفرین گوروسن خلقه چوخ آفات گلوب
.
.
بوردا بیر نکته منیم خاطریمی ائتدی غمین
مسجده شیر خدانی آپاروب قوم لعین
اولمادی راضی قالا دشمن الینده شه دین
او شهون نصرتینه جدّۀ سادات گلوب
.
.
#گریز #مجلس_ابن_زیاد
.
بُلمورم کوفه ده بس نائبۀ خیر نساء
مجلس ابن زیاد ایچره نجه گوردی خدا
بیر علی قتلینه امر ائتدی او بیشرم و حیا
مجلسه غیضیله جلّاد شقی ذات گلوب
.
.
دوتدی جرئتله گریبان اسیر ستمی
آپاروب قتله یتورسون او علیل اَلَمی
پوزولوب زینبون احوالی گلوب جوشه غمی
حق بُلور اوندا ظهوره نجه حالات گلوب
.
.
ووردی غیظیله او دم زادۀ مرجانیه سس
دئدی ظالم نیه قان توکمگه وار سنده هوس
دویمادون ظلمدن ای شوم مگر اولمادی بس
که وقوعه بو قَدَر سنده جنایات گلوب
.
.
بیر بو بیمار قالوب بیزلره سر خیل و دلیل
امر ائله ئولدوره لر زینبی قالسون بو علیل
بو قتیل اولسا نجه شامه گئدر آل خلیل
بو وجودیله جهان اهلینه محیات گلوب
.
.
بویوروب سید سجاد که ای شوم دنی
آز دانش دیل یاراسی وورما دوتوب غیظ سنی
شایقم من ئولومه قتلیمه قورخوتما منی
بدو خلقتده شهادت بیزه عادات گلوب
.
.
حَبَّذا کلک و بیانات اولوب دُرّ فشان
رشتۀ نظمه دوزولدی دُرَرِ دُرج مَعان
جدّ سادات غمین « #سید » عجب قیلدی بیان
فی الحقیقه اونا حقدن بو بیانات گلوب
.
.
.
#سبک_زینبم_جان_اوستیم … 4 سبک
.
#سبک_یارالی_جان_یارالی … 4 سبک
.
.
.
#پیامبراسلام_شهادت
#مجلس_ابن_زیاد
#اذن_وئر_فاطمه_جان_هادم_لذات_گلوب
#صاحبزمانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سندن آتام ویروبدی منه بیر خبر علی #خروج_مدینه_دخیل

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی