زبدةالاشعار

اربعینه آز قالیر حالیم پریشاندیر آقا #اربعین_محمد_هوشمند

در حسرت زیارت اربعین
.
✍️ #زبدةالاشعار ✍️
.
🆔: @nohe_torki
.
محمد هوشمند (مدهوش تبریزی)
.
اربعینه آز قالیر حالیم پریشاندیر آقا
لاله تک باغریم غم هجرونده آلقاندیر آقا
.
اولمادی بو اربعین کرب بلا قسمت بیزه
بو جهان عشاقیوه بیر غملی زندان دیر آقا
.
بیر گویرچین مثلی قلبیم چرپنیر شام و سحر
چوخلاری من تک بو ایل مجنون و نالان دور آقا
.
یادیمه دوشدوقجا هر آن کربلانین یوللاری
گوز یاشیم طغیان ائدیر روحیمده طوفان دیر آقا
.
خوش او شخصین حالینه اقبالینه آمالینه
اربعین بو ایل گینه اول قبره مهماندور آقا
.
قیل کرامت بو بلادن قورتارا خلق جهان
تربت پاکین نچون هر درده درمان دیر آقا
.
وار نه حکمت بیلمیرم سالمیش حصاره غم بیزی
قالمیشوق آواره دنیا اهلی ویلان دور آقا
.
اصغره خاطیر بیزی سالما نظردن یا حسین (ع)
غم یاغیر دنیا سراسر غرق بحران دیر آقا
.
عالم امکان همیشه تحت فرمانینده دور
قیل عنایت سیزلره هر امر آسان دیر آقا
.
سن بیزیم اربابیمیزسن بیز سنه وابسته یوک
هر یئره گئتساق بیزه بو عشق عنوان دیر آقا
.
کیم سنه وابسته دی یوخ دور نیازی بیر کسه
کیم قاپوزدا نوکر اولسا خلقه سلطاندیر آقا
.
جذبه عشقین آلیب داغلی اورکدن طاقتی
جام وصلون اولسا قسمت لطف شایان دیر آقا
.
عشقویله توسن طبعیم بیله مدهوش اولور
طوطی طبعیم گلوب شوره غزلخوان دیر آقا
.
.
#اربعین_محمد_هوشمند
#اربعینه_آز_قالیر_حالیم_پریشاندیر_آقا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  هر کس محمدی است به محشر هراس نیست #پیامبراسلام_مجید_امینی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی