اروجلوق بایرامی
.
✍️ #زبدةالاشعار ✍️
.
🆔: @nohe_torki
.
محمد هوشمند ( #مدهوش_تبریزی )
.
اروجلوق بایرامی گلدی ای اهل رحمت و غفران
ملک لر دعوت حقی بشارتله ائدور اعلان
.
گلین ای بنده لر درگاه حقدن ایستیون حاجت
اولوب حق اهلینه شامل بو گونده رحمت شایان
.
قوشولدوق بیزده ابراره کرم درگاهینه گتدوق
اولا مین شكر توفیق عبادت ائیلدی احسان
.
اگر چی هئچ عبادت شانینه لایق اولا بیلمز
قبول ائیلر یقین اوز بنده سیندن ایزد منان
.
بیر آی حقه قوناق اولدوق اطاعت ائیلدوک امرین
بیر آی اولدوق کرامت سفره سینده خالقه مهمان
.
بو درگهده قوناقیله قوناقه فرق قویمازلار
آچیقدی سفره گل ادارکیوه وسعت وئر ای انسان
.
گتورمز بنده نین عیبین اوزه ستار و رحماندور
باغشلار هر نقدر اولسا گناهی قادر سبحان
.
نه ایستیرسن گل ایسته خرمن غفران و رحمتدی
بیره مین اجریوی وئرسین بو گونده صاحب قرآن
.
بو گون بایرامدی ایسته عافیت دنیا و عقبایه
بیزی اطهاره قوشسون پاک قیلسین خالق یزدان
.
گل ای حق بنده سی ائله دعا صاحب زمان گلسین
جهانی قورتارا اندوهیدن اول صاحب دوران
.
سنی وئرم قسم یا رب بحق مرتضی حیدر
اماندی واگذار ائتمه منی اوز باشیمه بیر آن
.
بحق حضرت زهرا ترحم ائیله “مدهوشه”
اگر چه دولدوروبدی نامه اعمالینی عصیان
.
.
#رمضانیه_وداع
#اروجلوق_بایرامی_گلدی_ای_اهل_رحمت_و_غفران
#ترکی
.
✍️ #زبدةالاشعار ✍️
.
🆔: @nohe_torki
نظر دهید