«کؤنلوم»
✍️زبدة الاشعار✍️
🆔: @nohe_torki
اکبر ستاری (قیزیل قلم)
#تضمین از غزل حکیم ملا محمد فضولی
اسیراولوب غمه صیّاد گؤردوگون کؤنلوم
یارانمادی داغی فرهاد گؤردوگون کؤنلوم
گِئدیب دی غارته بر باد گؤردوگون کؤنلوم
موْمْ اولدوْهجرینه حدّاد گؤردوگون کؤنلوم
(توتوشدوْغمْ اوْدوْنا شاد گؤردوگون کؤنلوم)
(مقَیَّد اولدواُوْلْ آزاد گؤردوگون کؤنلوم)
امیدِ وصلین اولوب آرمانِ دلده سراب
گؤزوم فراقینا قارشی همیشه قالدی پُرآب
منیمله آغلادی هجران گؤیونده فوجِ سحاب
یوبانما فرصتِ دیدارین اولسا اِئیله شتاب
(دیارِهجردَهْ سیلِ ستم دن اولدو خراب)
(فضایِ عشق ده آباد گؤردوگون کؤنلوم)
فرازْ یولّاریم اولدو مسیرِعشق ده پَست
دعایه ایسته دیم اَلْ قوْوْزایام آچیلمادی دست
خیالِ عارضین اِئتدی منی گِئچن گئجه مست
دوشوبدوْ یادیما ای گولْ دوباره عهدِ اَلَستْ
(نه گؤردو باده ده، بیلْمینْ کی اولدو باده پرست)
(مُریدِ مَشربِ زُهّادْ گؤردوگون کؤنلوم)
عَرَضْ وجودیمه عشقین اصیل جوهریدی
گؤزومده جلوه لَنَن گول عُذارِ دلبریدی
حیف اوْ گونلره فیضِ گؤروشْ مُیَسَّریدی
همیشه باشلار ایچینده باشیمْ اوجا سریدی
(فراقینْ اوْدوْنوْ گؤردوکجه موْمْ کیمی اَریدی)
(ثباتِ صبرده فولاد گؤردوگون کؤنلوم)
گوله غزل یارادارسانکی بولبول اولدوغونو
وَ بولبوله گول آچار چترینی، گول اولدوغونو
گول ایْیله بولبول اِئدر ناله،همدل اولدوغونو
منی گتیردی دیله عشقین حاصل اولدوغونو
(گتیردی عَجْزَهْ گؤروب عشقْ مشکل اولدوغونو)
(هامی هنرلره استاد گؤردوگون کؤنلوم)
یقین کی عشقمیزین حاصلی صداقتیدی
او شوق و ذوق عجب ماجرالی فرصتیدی
بو قان اولان اوره گیم منزلِ محبتیدی
محبتیله دولوْ مبتلایِ صحبتیدی
(دئییلدی بؤْیْلَهْ دَمینْدَه، بیراَهلِ عشرتیدی)
(بو قانلار ایچمگه، معتاد گؤردوگون کؤنلوم)
بو رسم دیر کی وارعشّاق ایچینده یاخشی اوْدوْمْ
ب ودنیادان سنه خاطراوره ک ده دردی یودوم
دِئدیم «قیزیل قلمه» دالغالی دنیزلره جوْمْ
وطن «سراب دی» تهران دا قالما چوخدور شوْمْ
(«فضولی»اِئیلَه دی آهنگِ عیشِ خانهٔ روْمْ)
(اسیرِ محنتِ بغداد گؤردوگون کؤنلوم)
#مهدیه
#اسیر_اولوب_غمه_صیاد_گؤردوگون_کؤنلوم
#توتوشدو_غم_اودونا_شاد_گؤردوگون_کؤنلوم
#قیزیل_قلم
#ملامحمدفضولی
#ترکی
✍️ #زبدةالاشعار ✍️
🆔: @nohe_torki
نظر دهید