شهادت حضرت زهرا (س)
.
.
.
مرحوم #خوندل_تبریزی
.
اسیر ایدوب منی یارب هجوم وهم و خیال
قلم الیمده نگارشدن عاجزم فی الحال
.
عنایت ایتسه خانم گر قرار سابقیله
محالدور اولا بولمز اولا بو ناطقه لال
.
او قوله سوم ماه جمادی الثانی
بو نیر فلک عصمته یتیشدی زوال
.
به اقتضای مشیت او ساعتی که خانم
قرار اولوب اولا غمدن جهاندا فارغ بال
.
گونوز اولوب سپری تا گلوب شب هجران
نه حالدیدی على آشنادی اهل کمال
.
نجه دایاندی نجه دوزدی بولمورم مولا
حزین حزین یوزه جاری ایدردی اشک زلال
.
گوروب بتول خزان دیده بیر گله بنزر
ایله سولوب سارالوب باغ مصطفایه نهال
.
باخاردی آه چکردی دیردی وا أسفا
همای اوج محبت یخلدی بی پر و بال
.
اولار که دوتدولا زهرایه تنگ دنیانی
اولار بو ماهی محاقه سالوب بدون سؤال
.
گچن کچوب اولان اولدی بتول رحلت ایدوب
جزای محشره قالدى جرائم اعمال
.
علینون اولدی هامی آرزولری مدفون
او لحظه دن که یتشدی بتوله حال بحال
.
ایله سیخلدی او دریای قدرتون قلبی
قوام صبر على تاپدی غمدن اضمحلال
.
قویوبلا تختۀ تابوته گل جنازه سینی
او پاک پیکره اولدی علی اوزی غسّال
.
ویروبدی غسلینی پیراهن اوستن اول شه دین
عمل وصیته لازمدی یوخدی جای مقال
.
بولنمورم نه گوروب حین غسلده چکلوب
کناره توکدی یوزه اشک نابی درّ مثال
.
سوروشدولار نیه حالون پوزولدی ویردی جواب
نجه دیوم نه جنایت ایدوب بو اهل ضلال
.
ئولونجه فاطمیه آغلاسام مذمتی یوخ
ولی بو غم منی دنیاده آغلادار مه و سال
.
همان او أل کی منی آلدى دست دشمندن
اولاندا پایگه وحی ظلمیله پامال
.
او الده بیر نچه آثار جرمه دگدی الیم
بو ماهین اوندا رسا قامتین ایدوبله هلال
.
بیله خیال ایلدیم باغلیوبدی بازوبند
دیدیم الهی اولا قنفذون نصیبی نکال
.
اگوروم او ظالمی یا رب ایکی اَلی شل اولا
که نقص ظلمی ایدوب تازیانه سی اكمال
.
بولنمورم نجه مولایه سخت اولوب او گجه
ایله کومکسیزیدی شهر عرش جلال
.
بویوردی سرور دین دور اوغول حسن فوراً
عمون اباذری گیت دعوت ایله یوخدی مجال
.
بویور آتام بویورور گل بیزه کومکلیق ایله
بتول دفنینه الزام اولوبدی استعجال
.
دیدی بابا چاغوروم بیر ده ابن عباسی
بویوردی بسدی اباذر او مرد پاک خصال
.
او شاهزاده او صادق صحابه نی چاغوروب
اباذر ایلدی امر امامدن اجلال
.
خبرده گور حَمَلاها إلى المصلّانی
ایکی نفر کیم اولا الده یوخدی استدلال
.
او پاک پیکره بو طرزیله قیلوبلا نماز
جگرده آه شرربار دیده لر سیال
.
آپاردیلار نجه پای مزاره زهرانی
آپاردی یا اونی کیم آل بیتدن خبر آل
.
بو قدر وار حرکت ویردیلر او گل بدنه
او وقتیدی گجه دن خواب دیدیلر جهّال
.
على اونی اوزی تاپشوردی ظاهراً قبره
ولی او قبریده دفن اولدی شاهد آمال
.
بتولین آیریلیقی بس که طاقتین آلدى
پناه آپاردی نمازه او سرور ابدال
.
باخاردی خیل ملائک او حال پر اسَفه
ایدوبله عرض که ای حیّ قادر متعال
.
شَبَه دی بو اولوری دیدۀ دله مشهود
و یا علیدی دل شبده افتخار رجال
.
کنار تربت زهراده خسته حال و ملول
ایدر رکوع و سجودیله رفع درد و ملال
.
ادا ایدوب ایکی رکعت نماز او رکن نماز
گوروب که قلبی اولوب درد و غمله مالامال
.
دوتوبدی روضۀ خیرالائامه شرمیله یوز
ایدوب خطاب او سلطان دینه بو منوال
.
سلام اولا سنه مندنده یا رسول الله
همین صفیّه قیزونداندا ایتدی عزم وصال
.
همین ودیعه دی ایتدی حضوریوه رجعت
همان رهینه دی اخذ ایت که کشف ایدر احوال
.
سوروش اوزیندن عم اوغلی ریاست اوسته نجه
بو قوم باطل ایدوب حق مسندین اشغال
.
ابی قحافه نون اوغلون بیزه ایدوبله امیر
اوزومده خانه نشینم یوخومدی استقلال
.
تمام مطلبی کشف ایلیم سنه افسوس
امان ویرور نه سرشگیم نه آهیم استمهال
.
نه ظلم اولوبدی بتوله من اعتذار ایلَرَم
اوزی حکایت ایدر مطلبی على الاجمال
.
قویاندا تپراقا گلبرگ صورتین گوردوم
خطا الیله خسوفه دوشوب بو ماه جمال
.
امانتوندی ولی شرمسار ردّ ایدورم
حیات عالمی فرض ایله، ایله استقبال
.
بیزه مدینه نی تنگ ایتدیلر مدینه لیلر
ایله جسارته گلدی بو قوم بد افعال
.
نجه دیوم نه لر ایتدی بو بیوفا امت
یاخیلدی صفحۀ تاریخه حشره تک بو وبال
.
سیزون قاپوزدا ویروب باشه عمرینی «خوندل»
اماندی قویما اولا چشم انتظار نوال
.
گوزین تیکوب سیزه انعاموزه عنایتوزه
برای اینکه ویرر نسبتین سیزه عقّال
.
#فاطمیه_شهادت
#اسیر_ایدوب_منی_یارب_هجوم_وهم_و_خیال
#ترکی
#زبدةالاشعار #فاطمیه #خوندل_تبریزی
.
نظر دهید