زبانحال حضرت رباب (س) بر سر گهوارۀ حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم یحیوی اردبیلی
.
.
اصغریم صبر ائت سوسوزلوق ایلیوب گریان سنی
قوی عمون گلسون سودان چکسون یانار اوتدان سنی
.
.
کاش علی اصغر بو صحراده سرین یئللر اسه
تشنه لوق تسکین تاپار ایستی اذیت وئرمسه
سن سوسوز منده سوسوز وئررم سنیلن سس سه
او خشیوب لایلای دیم آرام ایدم بیر آن سنی
.
.
گوزده یاشیم یوخ اگر آخسا دوداقون ایسلانار
فاطمه مهریه سیدور سو، عدو وئرمز دانار
سو اوزاقدان گورسنور احوالیوه قلبی یانار
سسلیور آب فرات افسوس اوزاق یولدان سنی
.
.
آتلارون نعلی قیزوب اود قالخور آهن پاره دن
قوزانوب یاندیم صداسی عرشه سنگ خاره دن
خیمه دن فرش و نمددن کوزه دن گهواره دن
ساخلیوم سالم نئجه بو ایستی ده عطشان سنی
.
.
معجریمون گوشه سیله گاهوارون یئللرم
بلکه بیر قدری سوسوزلقدان سنه تسکین وئرم
بورکی دن غیری بو معجرده سرین یئل گورمرم
بس ائدوم راحت نه تدبیریلن اصغرجان سنی
.
.
گوره سن سو رنگینی هیهات هیهات اصغریم
کاش آنان زهرا ائده تعطیل جنّات اصغریم
آب کوثر بذل ائده بیر جرعه سوقات اصغریم
تا اوزی سیراب ائده اول خیرة النّسوان سنی
.
.
اوچ گئجه گوندوز کئچیردوبسن سوسوز اوقات اوغول
آغلیوبسان اینجیوبسن ای گل جنّات اوغول
باشووی قوی سینمون اوسته اقلاً یات اوغول
سالدى آخر تابدن بو ناله و افغان سنی
.
.
گه گئدورسن هوشه بیردن دیسگنورسن اصغریم
گه دوداقونده دلیووی گزدیرورسن اصغریم
عالم رؤیاده اولما سو گورورسن اصغریم
یا یوخیدا دیندیرور حوریه ی رضوان سنی
.
.
چالیشوب قلبیمی یاندیرما آنان قربان سنه
بوندان آرتوق اوزووی یورما آنان قربان سنه
قونداقون باغینه ال وورما آنان قربان سنه
باغلامیشام من اوزوم چون دسته ی ریحان سنی
.
.
بیر امانت تحفه سین دربار ربّ العزّته
ائتمیشم قنداقوی آغ پشمدن بو نیّته
قرمزی دگسه آغون اوسته یئتر تئز رؤیته
حق اوزی گورسون سراپا غنچه تک الوان سنی
.
.
یحیوی یازدون بو ایل باب الحوائج محنتین
نظمه چکدون سن رباب و اصغرون کیفیتین
قویمادون فوت ایلسون ایّام عمرون ساعتین
اصغر ایلر احتضارونده خلاص آسان سنی
.
.
#اصغریه_شهادت
#اصغریم_صبر_ائت_سوسوزلوق_ایلیوب_گریان_سنی
#ترکی
.
✍️ #زبدةالاشعار ✍️
.
🆔: @nohe_torki
نظر دهید