زبدةالاشعار

اطرافیم آلوب لشکر ایدر هلهله قارداش #عباسیه_احزن_اردبیلی

استمداد حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا
.
مرحوم احزن اردبیلی
.
اطرافیم آلوب لشکر ایدر هلهله قارداش
باغلاندی یولوم دوشدی ایشیم مشکله قارداش
.
.
ظلم و ستم اهل جفا یتدی تمامه
فرصت یتشوب لشکر بی رحم ظلامه
بو حالیله مشگلدی گلم بیرده خیامه
لطف ایله علمداروی تئز درک ایله قارداش
.
.
میدانه گلن وقتیده ای شاه مدینه
بو مشگه باخوب آغلادی لب تشنه سکینه
سو ایستدی مندن او دل افکار حزینه
اوخلاندی سو مشگیم ستم و ظلمیله قارداش
.
.
واللهى رضایم بو بیابان بلاده
صد پاره قالا پیکریم عریان اراده
باشیم ویریلوب سیر ایلیه نوک جداده
تا گورمیم اطفالی سوسوز حالیله قارداش
.
.
اوز ئولمگیمه یانمورام ای شاه لب عطشان
اهل حرمون درد و غمی باغریم ایدوب قان
بیلّم من ئولندن صورا بو لشگر عدوان
زینب قولونا باغلیاجاق سلسله قارداش
.
.
#عباسیه_احزن_اردبیلی
#عباسیه_شهادت
#اطرافیم_آلوب_لشکر_ایدر_هلهله_قارداش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آغلا ای دل عزای خاتمدی #پیامبراسلام_معروف_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی