زبدةالاشعار

افسوس اجل گلدی ولی گلمدی دلدار #زینبیه_آذرین_خلخال

زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
ودود آذرین خلخال
.
افسوس اجل گلدی ولی گلمدی دلدار
شاماتیده یالقیز ئولورم ای حق دادار
.
بیر عمر پرستاریدیم الله ایل ایچنده
ایمدی چکورم اودلی نفس یوخدی پرستار
.
غربت وطن ایچره گوزی یولاردیام الله
تحلیله گیدیب محنت الیندن تن تبدار
.
یوخ داده گلن بیکس و نالانم الهی
(ال سینه ده دائم دیلیم اوخشار گوزوم آغلار)
.
نه گلدی حسینیم نه علی اکبریم الله
ایل صاحبینی ایلمیور ایللری دیدار
.
گل داده حسین سون نفسیمدی آتام اوغلی
بیللم چکیلوب اورتامیزا غصه لی دیوار
.
من دادوه گلدیم یارالی ؛ کرب و بلاده
سنده منه گل اول بوزمان یار و هوادار
.
یالقیز اولورم شامیده ال سینه ده قارداش
افغانه گلوب غملر الیندن بو گرفتار
.
عطرون آلورام قانه باتان پیرهنوندن
بوتحفه نی جان تک بوباجون سینه ده ساخلار
.
سن گلمیسن ای شاه لب عطشان سنی تاری
گوندر کفن الده گله فریاده علمدار
.
یا اینکه علی اکبری فریادیمه گوندر
آخرنفسی عمه سینه اولسین عزادار
.
یاقاسم گل پیرهنی یولا حسینیم
قارداشیم حسن اوغلی اولا زینبه دلدار
.
شام اهلی شماتت ایلیوللر منه قارداش
وار یدی نفر قارداشی یوخ زینبه غمخوار
.
من شیر خدانین قیزیام زار و نزارم
یاددان غم و اندوه زمانه چخا زنهار
.
بخصوص غم کرب و بلا باشیم آغارتدی
گلدیم اوزمان قتلگهه دیده سی خونبار
.
گوردوم اوتوروب شمر دنی سینه شه ده
ایستور باشینی ذبح ایده سرکرده اشرار
.
دوتدیم او زمان خنجر عریانینی شمرین
سسلندیم اوتان ناکس و ملعون و دغلکار
.
شرم ایله حسین معنی آیات خدادی
کسمه باشین افغانه گلر حیدر کرار
.
والله بو حسین سرور ابرار جهان دی
اولدورمه اونی ایلمه دنیانی عزادار
.
باخمادی ولی شمرلعین منده نوایه
شمشیره تکان ویردی او ملعون زناکار
.
آخدی الیمون قانی سوزوب سینه شاهه
قاتدی باجی قارداش قانینی بیربیره غدار
.
بو کشمکشه اولدی جری دشمن نادان
گویلرده ملک لرده اولوب شاهد پیکار
.
شمشیری غلاف ایتدی آلوبدور اله شلاق
بیرایش گوروب الاندا اینان زخمی سیزیلدار
.
بو منظره نی گوردی حسین غیرتی داشدی
قارداش گوره خواهر دویولور تز قانی قاینار
.
سسلندی باجی خیمیه گیت قالما اماندی
شمره دیدی گل باشیمی کس جانیمی قورتار
.
بو شعروه الهام «کلامی» دن آلوبسان (1)
زیبنده اولار زینبیلن «آذرین» اشعار
.
(1) الهام از غزل استاد کلامی با عنوان (افسوس اجل آمد و دلدار نیامد)
.
#زینبیه_شهادت
#افسوس_اجل_گلدی_ولی_گلمدی_دلدار
#آذرین_خلخال
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  چوخ توكمه گوزون یاشنی رخساره رقیه #حضرت_رقیه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی