یا مهدی
.
✍️ زبدة الاشعار ✍️
?: @nohe_torki
.
مرحوم شهاب تبریزی
.
الأمان و الأمان یا حجّة الله الأمان
ظلمیله دولدی جهان یا حجّة الله الأمان
.
قوی رکابه بر قدم ای ذوالفقارین صاحبی
اولدی شیعه باغریقان یا حجّة الله الأمان
.
پردۀ غیبتده اگلنمه داخی ایله ظهور
جانه گلدوخ آز دایان یا حجّة الله الأمان
.
اولدولار مظلوملر ظالملره مولا اسیر
داد و فریاد و فغان یا حجّة الله الأمان
.
کربلا اوضاعی ذکر اولدوقجه شیعه اودلانور
نار غمله هر زمان یا حجّة الله الأمان
.
قویما قالسون یرده قانی اکبر شهزاده نون
یوخدی بو قانی آلان یا حجّة الله الأمان
.
سن اوزونده آغلاسان بو غمده وار اَلده خبر
هر گیجه گوندوزده قان یا حجّة الله الأمان
.
جدّوون هر بیر غمندن چوخ مؤثردور سنه
بیر غمی معلوم اولان یا حجّة الله الأمان
.
#ذوالجناح
.
یال و کاکل قانه غلطان ذوالجناحی یوز قویوب
خیمیه شیهه زنان یا حجّة الله الأمان
.
اَلظَّلیمه سسلنوردی دمبدم بر قومدن
حالین ایلردی بیان یا حجّة الله الأمان
.
آه او وقتدن داد او ساعتدن که چخدی خیمه دن
باش آچان زلفین یولان یا حجّة الله الأمان
.
ذوالجناحین آلدیلار اطرافنی خُرد و کُبار
موکَنان ناله کُنان یا حجّة الله الأمان
.
گلدی یکسر نالیه هشتاده دین عورت اوشاق
تترشوردی قورخودان یا حجّة الله الأمان
.
قوللارین سالدی سکینه ذوالجناحین بوینونا
گوز یاشین ایتدی روان یا حجّة الله الأمان
.
سویلدی بیکس باباما ویردیلر سو یا سوسوز
کَسدی باشین شامیان یا حجّة الله الأمان
.
من دیمم قالدی بی بون نه حاله یا بن العسکری
شرحه یوخ دلده توان یا حجّة الله الأمان
.
#قتلگاه
.
وای حسینم وای دیوب یوز قویدی میدانه طرف
حالی پوزقون موکَنان یا حجّة الله الأمان
.
گلدی گوردی قارداشی توپراقلار اوسته جان ویرور
حالنه یوخ بر یانان یا حجّة الله الأمان
.
قاتلی دورموش باشی اوسته بر اوزگه فکریله
سویلدی ظالم دایان یا حجّة الله الأمان
.
بیر الین ساخلا اوغوم آنّین گورورسن ضعف ایدوب
رحم ایله ویر بر امان یا حجّة الله الأمان
.
باتما ناحق قانه ئولدورمه ئولور ظالم دایان
ایلمه ظلمون عیان یا حجّة الله الأمان
.
آچدی ناگه گوزلرین جدّون بویوردی زینبا
آز باخوب حسرتله یان یا حجّة الله الأمان
.
دورما بوردا توکمه گوز یاشون مروّتدن دیمه
وار بو ظالمده نشان یا حجّة الله الأمان
.
ال گوتورمز کینه دن ئولدورمسه من بیکسی
ویرمسم لب تشنه جان یا حجّة الله الأمان
.
گوزلریمی وای اوغول سویلر آنام باغلار اوزی
باجی قالما ناگران یا حجّة الله الأمان
.
خامه نون تقصیریدور عفو ایت اولوب بو غم رقم
سن ایا صاحب زمان یا حجّة الله الأمان
.
جدّوه خاطر «شهابین» روز حشر اول حافظی
یا شفیع المؤمنان یا حجّة الله الأمان
.
#مهدیه
#الأمان_و_الأمان_یا_حجة_الله_الأمان
#شهاب_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید