اربعین
زبانحال علیا مکرمه حضرت زینب (س)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم سیدرضا حسینی سعدی زمان
.
الده بیر عنوان شکوهِ گردش ایّامدن
پاره پاره کوینگون قارداش گتوردوم شامدن
.
.
تا حیاتیم وار بسیمدور ائتماقا قارداش نوا
بیر آدون بیرده بو قانلو کوینک اسباب عزا
دیلدن آدون، سینه دن پیراهنون ائتمم جدا
سینه ده کوینکدن آلّام دیلده عطرون نامدن
.
.
ئولمه سَم یولّاردا قارداش قسمتیم اولسا وطن
ایسته سَه اهل وطن سندن نشانه اوندا من
سویلرم ایلر حکایت حالینی بو پیرهن
جسمینه نه قَدری اوخ نیزه یتوب ظُلّامدن
.
.
قسمتیم اولسا آنام زهرا مزاری هر زمان
سویلرم یاتما آنا دور حالیمه باخ آغلا، یان
دورت مین اوخلی کوینگین گتدیم حسینوندن نشان
رسمدور حال مسافر کشف اولار پیغامدن
.
.
نه دیوم بو پیرهندن ای عزیز جان من
بو سنون پیراهنوندور ای امامِ مُمتحن
گور منیم اگنیمده نه حاله قالوبدور پیرهن
آل خبر سرّین منه تاپشوردوقون اَیتامدن
.
.
هر قیزا ایستردی وورسون تازیانه اشقیا
قولّاریمی حایل ایلردیم قاباقدا یا اخا
ایمدیده جسمیمده وار آثار قمچی جابجا
چوخ چتین صحّت تاپام بو بیدوا اسقامدن (1)
.
.
من او گونکه سندن آیریلدیم دچار اولدوم غمه
کوفیه گیتدیم اولام کاشف رموز مبهمه
کوفه ده گوردوم دوشوب شهره غریبه همهمه
بر قیامتدور که عقل عاجز قالور ایهامدن
.
.
نیزده گوردوم باشوندا نور طور آثاری وار
حضرت موسی کیمی عشقنده شور آثاری وار
وجه وجه اللّهیده اما تنور آثاری وار
قالمادی آثار منده صبردن آرامدن
.
.
ایستدیم خاکستری زلفیم جمالوندن سله
یتموری گوردوم الیم وار بر جداجه فاصله
باشیمی وردوم همان ساعتده چوب محمله
قیرمزی قان اولدی چاری زلف مشگین فامدن
.
.
نیزه باشندا کسوک باشیله رخشان ماهیدون
کاروان عشقه مهتاب و دلیل راهیدون
سن منیم هر خطّ سیریمدن اؤزون آگاهیدون
کوفه ده گوردوم نلر اشرار بد فرجامدن
.
.
حشره تک چخماز یادیمدان مجلس ابن زیاد
دوتموری دل عرض ایدوم نیلردی اول کان عناد
داد او مجلسدن امان اول ظلمدن فریاد و داد
ابن مرجانه ایدن بیداد و اذن عامدن
.
.
گل یوزه گل یوزلی قیزلار اشگی دوزدی ژاله لر
آهیمیله داغدار اولدی چمنده لاله لر
ایلدی طعن و شماتت بیزلره رجّاله لر (2)
گور گیچر بو ظلملر افکاریدن اوهامدن
.
.
ایسته دی مرجانه اوغلی کُؤس فخرّیت چالا
لرزه ارکان رکین دین و ایمانه سالا
ایله بر مجلسده مندن بلکه توضیحات آلا
دینمدیم من، لیکن او ال چکمدی ابرامدن (3)
.
.
عترتون مجملده چخدی، نوک نی ده سیره سین
الفتون بیزدن کسوب گیتدون حریم غیره سن
وا حسین دلده آنام زهرانی گتدون دیره سن
راهبه گوستردون آیت مذهب اسلامدن
.
.
گوزلریم عشقونده مشق آلدی دمشقی ابردن
صبر مندن تنگه گلدی من هجوم صبردن
چوخ سوزوم وار محضرونده باش گوتورسن قبردن
کشف قیلّام سرگذشتیمدن گیچن آلامدن
.
.
درد دل شرح ایلسم وار احتمالی دل یانا
کربلادن کوفیه جور و جفا گلمز سانا
بو جفالر بیر یانا شامین جفاسی بیر یانا
صبح شام اولدی گوزیمده تار، تیره شامدن
.
.
پیشوازه چخدی شام اهلی الینده تار و چنگ
ایتدیلر نه شرم جدّیمدن نه حقدن عار و ننگ
آتدیلار گاهی یهودیلر کلوخ و گاه سنگ
بیحیالر توکدولر گه اودلی نی لر بامدن
.
.
صبحدن شامه دولاندی شامی آل بوتراب
دلشکسته، دست بسته، ناقه اوسته بی نقاب
شام اولاندا بیر خرابه منزلی اهل عذاب
وئردیلر منزل خم اولدی الف قدّیم لامدن
.
.
آج سوسوز یورقون قولی باغلو بویونلاردا طناب
خورداجا قیزلار همان منزلده ایتدی پیچ و تاب
شام صبح اولدی بیزه اولدی جفادن فتح باب
داد بزم شربدن، فریاد صبح شامدن
.
.
بی حقیقت لر بیزی فرض ایتدیلر اهل مجاز
کاش ئولیدیم گورمییدیم ای شهید پاکباز
بزم شربه باش آچوخ گیتدی خواتین حجاز
سربلند اولماز «#حسینی» لر بو ننگ و نامدن
.
(1)اسقام . [ اَ ] (ع اِ) ج ِ سُقم و سَقم . بیماریها. امراض
(2)رجّاله . [ رَج ْ جا ل َ / ل ِ ] (از ع ، اِ) مردمان پست و بی سروسامان . (ناظم الاطباء). سفلگان . فرومایگان .
(3)اِبرام اصرار کردن؛ پافشاری کردن در امری.
.
.
.
.
.
#الده_بیر_عنوان_شکوه_گردش_ایامدن
#کنزالحسینی2 ص 331 (کلیات ص 548)
#ترکی
.
✍️ #زبدةالاشعار ✍️
.
🆔: @nohe_torki
نظر دهید