قتلگاه
.
✍️ #زبدةالاشعار ✍️
.
🆔: @nohe_torki
.
سید یحیی مبکی اردبیلی
.
الده خنجر شمر کافر چخدی قرآن اوستونه
چکدی جدول قانیله احکام سبحان اوستونه
.
.
محو ایدوب قرآنی یاندیردی تمام اوراقنی
ایلیوب انکار حقّون حق اولان احکامنی
قانیله ویران ایدوب عرش خدا بنیانینی
حاملان عرشی گتدی آه و افغان اوستونه
.
.
ال تاپوب صندوق علمه اگلشوب تسخیریده
عالم تسخیری سیر ایلوب قالوب تکفیریده
گوردی سلطان حقیقتدور دم شمشیریده
دیندن چخدی قویوب یوز تشنه سلطان اوستونه
.
.
کفر مطلق نور مطلق باشینی ایتدی جدا
قویدی باشسیز قان ایچینده جسمنی اول ناخدا
جاری اولدی قان یازیلدی قانیله اسم خدا
توکدی الله قانینی قویدی قدم قان اوستونه
.
.
مظهر اللهون باشین الده دوتوب چخدی کنار
قالدی گردشدن بلی شمس و قمر لیل ونهار
گلدیلر میدانه اطفال حسین پروانه وار
توکدیلر گوز یاشینی اول شمع سوزان اوستونه
.
.
عهد ایتمشدی خدائیله ازل شاه حجاز
نیزه باشینده ایده معبودیله راز و نیاز
لبلری قانلو ایده ئوز خالقیله کشف راز
ایلدی راز و نیازین یتدی پیمان اوستونه
.
.
محشر اولدی آل طاها قالدیلار مبهوت و مات
رخنه تاپدی دین ستونی دین اولوبدور بی ثبات
پابرهنه سربرهنه قاچدیلار جمله بنات
گلدیلر اجماعیلن بیمار نالان اوستونه
.
.
نیزه اوستونده دیوب تکبیر با صوت جلی
آیۀ کهفی بویوردی عالم اولدی منجلی
گوزلرین آچدی صدا قیلدی اوغول اَینَ على
بو صدا گتدی امامی بیت الاحزان اوستونه
.
.
حجّت حق خیمه نون دامانینی آتدی کنار
گوردی بیرجه قانلو باش سرنیزده دوتموش قرار
سسلدى عمّه عموماً چوللره ایلون فرار
گلدی دشمنلر تمام اطفال نالان اوستونه
.
.
چون یتیشدی امر واجب سیّد سجادیدن
زینب و کلثوم و لیلا قالدیلار گفتاریدن
آل طاها تیترشوب قورخوشدیلار اغیاریدن
دشمن اهلی گلدیلر بیکس یتیمان اوستونه
.
.
عصمت کبرا قزی گوردی ختن آهولری
رم ییوب صیّادلردن مسکن ایتمیش چوللری
باش باشا چاتمشدیلار حایل یوزه گیسولری
یوزلرین قویمشدیلار خار بیابان اوستونه
.
.
#حسینیه_مبکی_اردبیلی
#حسینیه_شهادت
#الده_خنجر_شمر_کافر_چخدی_قرآن_اوستونه
#ترکی
.
✍️ #زبدةالاشعار ✍️
.
🆔: @nohe_torki
نظر دهید