زبدةالاشعار

السلام ای صادق آل علی #صادقیه_حضرتی_ناعمی

امام جعفر صادق و جفای منصور دوانیقی
#گریز به #قتلگاه
.
.
.
علیرضا حضرتی(ناعمی)
.
.
السلام ای صادق آل علی
ای اولان عالم ئوزوندن منجلی
.
آسمان عشقیده سن ماه سن
ملک علم و معرفتده شاه سن
.
ای اولان کنز معارف سینه سی
آیه آیه معرفت آیینه سی
.
ای رییس مذهب اثنی عشر
شیعه لر سنلن جهانه فخر ائدر
.
عالم بالا صفا سندن تاپوب
مکتب قرآن بقا سندن تاپوب
.
محضرونده کیم سنون ارشاد اولوب
عالمان عالمه استاد اولوب
.
بوسه بر پایت زند هر سالکی
حنبلی و شافعی و مالکی
.
هرکه بر فقه و شریعت عاشق است
بر زبانش ذکر قال الصادق است
.
مکتب او مکتب بیداری است
در رگش خون حسینی جاری است
.
یاعلی گو تا بدانی کیست او
جز علی و جز محمد نیست او
.
افتخار شیعیان حیدری ست
مذهب شیعه در عالم جعفری ست
.
ما که دائم ذکرمان یا حیدر است
هر چه داریم از امام جعفر است
.
او به ما آموخت اصل و فرع را
او به ما آموخت حکم شرع را
.
او به ما آموخت تا در عالمین
جان به کف گوییم هر آن یا حسین
.
او به ما آموخت سودایی شویم
قطره ای با وسع دریایی شویم
.
مو به ‌مو هر لایه مولایی شویم
ذره اندر ذره زهرایی شویم
.
جان عاشق مست جام صادق است
شیعه مدیون امام صادق است
.
او بیزه سرّ سعادت اؤرگدوب
او بیزه عشق و ارادت اؤرگدوب
.
او بیزه درس صداقت اؤرگدوب
او بیزه شور ولایت اؤرگدوب
.
حجّت ذات جلیل ذوالجلال
بندۀ محبوب حیّ لایزال
.
سبط صاحب جاه ختم المرسلین
وارث فضل امیرالمؤمنین
.
گوهر پرقیمت درج شرف
پاسدار حرمت شاه نجف
.
ایلین احیا مرام حیدری
رسم و راه و شیوۀ پیغمبری
.
حضرت صادق کریم ابن الکریم
درگهینده قدسیان اولموش مقیم
.
تحت امرینده اولان جنّ و ملک
ابر و باد و ماه و خورشید و فلک
.
بیر گونی منصور او شوم خیره سر
قصر حمراسینده اولدی مستقر
.
ایلسیدی هر گون اول قصره ورود
قصد ائدردی تؤکماقا قان اول عنود
.
بی قرار و مضطرب هم خشمگین
قیرمیزی قان دوتموشویدی گؤزلرین
.
ئوز دوتوبدی حاجبه ائتدی عتاب
چوخ غضبلی حالیلن قیلدی خطاب
.
سویلدی عازم اولون بی فوت وقت
تا ایش اولسون جعفره الساعه سخت
.
قالمیوبدور قلبیمون دای طاقتی
شرح ائدوم آخر کیمه بو حالتی
.
ائتمرم بو گون گریبانین رها
دوتموشام تصمیم اونی ئولدورماقا
.
گون به گون آرتیر جلال و شوکتی
یوکسه لیر عالمده محبوبیّتی
.
حُسن خلقی چوخلارا تأثیر ائدوب
قلبلر مُلکون اودور تسخیر ائدوب
.
گون کیمین ذرّاتی مجذوب ایلیوب
اول منی معناده سرکوب ایلیوب
.
ظاهراً من بو بِلاده حاکمم
باطناً حکم ایلیور اول، من کیمم؟
.
گر بو امره فکر عاجل ائتمسم
ایش چتیندی تاجیمه اولسون قسم
.
الغرض بیر عدّه مزدور دغا
عازم اولدی حضرتی جلب ائتماقا
.
اول غم عظمانی شرح ائتسم اگر
طاقت ائتمز وار یقینیم شیعه لر
.
نیمۀ شبده او سلطان حجاز
ایلیوردی سوزیلن راز و نیاز
.
ناگه اعدا بیت عشقه دولدولار
اول حریم امنه وارد اولدولار
.
سبط طاهایه جسارت ائتدیلر
حجةاللهه اهانت ائتدیلر
.
عرشیده گلدی ملکلر رقّته
وئرمدی دشمن اجازه حضرته
.
زادۀ زهرا گئیینسین جامه سین
باشینه قویسون و یا عمّامه سین
.
چکدیلر اول حضرتی تحقیریلن
فتنۀ سرنیزه و شمشیریلن
.
روح و ریحانی نوایه گتدیلر
حضرتی کاخ جفایه گتدیلر
.
آغلیار شیعه بو مظلومیّته
قیل تصوّر حضرتی گل رقّته
.
یازمییدیم مطلبی ای کاش آچیخ
حضرت شیخ الائمّه باش آچیخ
.
اولدی منصور پلیده رو به رو
دیل آچوب زخم زبانه اول عدو
.
ذات حقدن ائتمدی شرم و حیا
هتک حرمت ائتدی زهرا اوغلونا
.
من روایتلرده گؤردوم بو سؤزی
حاجب منصور نقل ایلور اؤزی
.
گؤردوم اول ملعون رزل بی ادب
فاطمه محبوبینه ایلور غضب
.
ایستدی شمشیرینی چکسون ولی
تیتردی نه علّته بولمم الی
.
دؤندی رنگی ائتدی شمشیرین غلاف
وئردی قتلیندن او شاهین انصراف
.
ئوز دوتوب بیر دفعه ده ائتدی عتاب
اول ولیّ داوره قیلدی خطاب
.
سنده وار آخر نقدری سوء ظن
بیر بئله منلن عداوت ایلوسن
.
یازمیسان نامه خراسان اهلینه
چوخ ولایتلرده ایران اهلینه
.
ائتمه انکار اولموشام من بی قرار
توطئه فکری ندن باشونده وار؟
.
حضرت صادق چوخ آرام و متین
ایلدی رد اول خبیثین صحبتین
.
من امامم سویلدی بی رنگ و ریب
یوخ وجودیمده منیم مکر و فریب
.
دار دنیادن داخی سیر اولموشام
منده یوخ بو فکرلر پیر اولموشام
.
امّت طاهایه گرچه هادی ام
خواستار عزّت و آزادی ام
.
افترادور لیک بو مطلب منه
قصد سوئیم یوخدی بیر ذرّه سنه
.
من ره صلح و صلاحه راهی ام
بانی فرهنگ دانشگاهی ام
.
بو سؤزی هر کیم سنه نقل ایلیوب
صدقی یوخدی صادقه بهتان دئیوب
.
خشمگین اولدی گئنه اول کینه توز
خبث ذاتین ایستدی وئرسین بروز
.
چکدی بیر قدری گئنه شمشیرینی
ئولدوره شیرخدانون شیرینی
.
بیلمورم امّا نه گؤردی اول دنی
وئرمدی باشه جفا و فتنه نی
.
بیرده شمشیرین غلاف ائتدی او دم
تؤکمدی مولا قانین کان ستم
.
گؤزلرین دوتموشدی قان مانند مار
چرخ ویردی بزمیده دیوانه وار
.
رنگیدن رنگه دوشوردی گه به گاه
زرد از خوف و گه از خشمش سیاه
.
لیکن اول بحبوحه ده سلطان دین
قلبیدن آرامیدی دریا کیمین
.
ذکر ائدیردی زیر لب بی واهمه
یا محمد یا علی یا فاطمه
.
ایلیر اصرار چون شرّینده شر
چکمدی ال ظلمودن اول خیره سر
.
گوییا دوتدی گئنه تصمیم شوم
چکدی شمشیرین تمام ائتدی هجوم
.
سسلدیم اول لحظه ده من ای خدا!
قیل اؤزون امداد زهرا اوغلونا
.
رحم، منصور ایلمز بو بی کسه
ال گؤتورمز حضرتی ئولدورمسه
.
غم گونونده یاور و غمخواری یوخ
سندن اؤزگه یئر ئوزونده یاری یوخ
.
ناگهان بیلمم گئنه اولدی نلر
قویدی شمشیرین یئره اول فتنه گر
.
شکر ائدردیم کی آقام تاپدی نجات
قالدیم اول شومین ولی فعلینده مات
.
قهری دؤندی مهره یکسر الغرض
حالتی بیردن بیره اولدی عوض
.
خدمت مولایه اقدام ایلدی
دیل آچوبدی عذره، اکرام ایلدی
.
قیلدی سبط خاتمه مهرین عیان
اؤز یئرینده حضرته وئردی مکان
.
محضره سسلندی خدمتکارینی
بیله ابراز ایلدی گفتارینی
.
تئز گتور غالیّۀ مخصوصیمی
ایلیوم خوشبوی اؤز مأنوسیمی
.
حضرتی مُشکیله خوشبو ایلدی
دیل آچوب سونرا بو نوعی سویلدی
.
مرکب شاهانه می حاضر ائدون
بدرقه عزمیله حضرتلن گئدون
.
ئوز قویوب مولا سلامت منزله
گئتدی بی درد و ملالت منزله
.
من دوتوب منصوره ئوز قیلدیم سؤال
ای امیر تاجدار نیک فال
.
مات قالدیم فعلوه حکمت ندی؟
اول غضب بو رأفته علّت ندی؟
.
سویلدی کشف ایلرم سرّین سنه
محرم اسرارسن چونکی منه
.
اولمویا امّا گرک اغیاره فاش
فاش اولا قالماز سنون جسمونده باش
.
اوّلین دفعه کی چکدیم خنجری
قانینه غرق ایلیم بو سروری
.
حضرت پیغمبری گؤردوم گلور
چیمریوبدی قوللارین اشکین الور
.
خشمگیندی اول شه نیکوسیر
غیضیله ایلور منه ساری نظر
.
ایکّیمینجی دفعه گؤردوم حضرتی
ایلیوب تغییر حال و حالتی
.
سویلدیم امّا بولار اوهامیدور
فکر باطلدی خیال خامیدور
.
دفعۀ آخرده قیلدیم اهتمام
ایلیم تا قصدیمی بیر یول تمام
.
غیضیلن شمشیری عریان ایلدیم
حضرته جرأتله طغیان ایلدیم
.
ناگهان گؤردوم رسول مصطفا
آشکار اولدی گؤزومده برملا
.
آز قالوردی ال آتوب دوتسون منی
ائتسون آماج خطر جان و تنی
.
ایلدیم شمشیری وحشتدن غلاف
وئردیم اؤز قصدیمدن اوندا انصراف
.
باری بو طرزیله شاه کائنات
قتلیدن اؤز اوغلونا وئردی نجات
.
قویمادی منصور سفّاک و جری
غرق ائده قانه امام جعفری
.
الله الله دؤندی قانه گؤزیاشیم
صورته اولدی روانه گؤزیاشیم
.
یادیمه دوشدی غریب عالمین
إنّی أبکی کلّ یومٍ لِلحسین
.
یا رسول الله من کان حسین؟
هل لک ما کان هو نور عین؟
.
صارَ عینی فی مُصابِهِ السَحاب
تَبکی الآنَ لِسیِّدِ الشَّباب
.
اُمَّتُکَ قَتَلوهُ فی الطُفوف
ضَرَبوهُ بالرِّماحِ و السُّیوف
.
أبکِیُ لَه ما صَنَعتَ لِلحسین
ما مَنعت النّاسَ مِن قَتلِ الحسین
.
قَتَلوهُ عَطَشا فی الکربلا
قَطَعوهُ إرباً إرباً فی المِنا
.
لارَحَموا رَمَلوهُ بِالدِماء
ذَبَحوهُ صَبراً مِنَ القَفاء
.
چؤل دولی شمشیر، اوخ، خنجر، سنان
بیر آدامسیز بیر بئله قهره نشان
.
کوفیان دریا کیمین ایلوردی موج
قانلی گوداله گلوردی فوج فوج
.
رحم ائدن یوخدور پیمبر اوغلونا
اوخ ویران چوخدور پیمبر اوغلونا
.
امّتین چاتمیش هارا گؤر پایه سی
شرح اولور اجر و مودّت آیه سی
.
کوفه اهلی مجلس تفسیر آچوب
مصحفین اوراقینی شمشیر آچوب
.
صفحۀ دفتر حسینون سینه سی
کربلادی معرفت آیینه سی
.
شرح تفسیری، یاغان اوخلار یازیر
بیرقلم اول شرحی یوخ، چوخلار یازیر
.
قیرمیزی قاندور مرکّب جوش ائدور
دفتر عشقی مرکّب پوش ائدور
.
اوخ ویرانلار بیربیره وئرمور امان
سسلیور گویده ملکلر الامان
.
اول قدر اوخلار دگوب اول پیکره
سینه سی اوسته وئروبلر پر پره
.
اوخلارین زخمیندن القان جاریدور
تَجریُ مِن تَحتِها الأنهاریدور
.
دشمن اوندا آیری ظلمی باشلادی
قانلی میداندا حسینی داشلادی
.
شاه عشقه اول قدر داش ویردیلار
ازدیلر اعضاسینی سیندیردیلار
.
رحمسیزلر سالدیلار فرصت اله
قؤپدی دشت کربلاده ولوله
.
بی مروّت، بی ترحّم قوم شوم
دسته دسته ائتدی اول شاهه هجوم
.
پست فطرت اهرمن ویردی اونی
هر گلن ویردی گئدن ویردی اونی
.
اولمادی بیر کس دئیه ای کوفیان
سبط طاهادی بو مظلوم زمان
.
سیّد والامقامی ویرمیون
شرم ائدون بی کس امامی ویرمیون
.
گؤردی بیر ایش کوفه نون کافرلری
عضو عضو اولدی حسینون پیکری
.
پای تا سر غرق خون اولدی حسین
حا و سین و یا و نون اولدی حسین
.
عرش و فرشه سالدی بو محنت شرر
شرح صدر آیاتی اولدی جلوه‌گر
.
.
#صادقیه_مدح #صادقیه
#صادقیه_شهادت
#السلام_ای_صادق_آل_علی
#حضرتی_ناعمی
#ترکی
#زبدةالاشعار

متن پیشنهادی:  ای قانه باتان قارداشیم #عباسیه_معروف_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی